Заман нугу жетелеген жакка көнбөгөнгө, өзгөрбөгөнгө арга барбы? Баары өзгөрүп барат. Жадакалса жарамазан айтуу салты бурмаланып, жаңыдан “иштелип” чыгыптыр. Куттуу Рамазан айында жашап жатып, буга күбө болдук. Жарамазанды “хитке” айланткан чыт курсактардын ата-энелерине кайрылуу иретинде ушул макалага токтолдук.
Минтип бир унаага бир эле жарамазанчынын баруусу да алардын "мыйзамдарынан"окшобойбу...
“МАШИНА УРУП КЕТСЕ ЭМНЕ БОЛОТ?” Жумуш убактысы бүтүп, кечке маал маршруттук такси менен үйгө жөнөдүм. Унаалардын, автотыгындардын уюгу болгон Чүй-Фучик көчөлөрүнүн кесилишинен маршрутка жол чыракка токтоду. Ушуну эле күтүп тургандай, бир топ жаш бала унаанын айдоочу отурган жагына өтүп, жарамазан айтып киришти. Ичиндеги биз баш чайкап тим болдук. Айдоочу майда тыйындарды суна берерде бирөө “чачыңыз” деп калды. Анан дароо жол чырак жанып, биз жүрүп кеттик. Күзгүдөн карасак, балдар унаалар өтүп жатканына карабай тыйын чогултуп жатышат. Чыдабай кеттиби, айдоочу: "Күнүгө жарамазанчыларга акча берем. Булардын минтип айтканы туура эмес. Мунун орду болот. Ата-энелери карабайбы буларды? Машина уруп кетсе эмне болот?"- деп күбүрөнүп коё берди.
ОРУС БАЛА КЫРГЫЗЧА ЖАРАМАЗАН АЙТЫП... Кийинки күнү бул сүрөттөлүштү жакындан көрүү үчүн атайын келдим. Деле тың балдар экен. Рулу сол жагында жайгашкан унаалардын ары жагына өтө калып, оң жагында жайгашкандарга кичирээктерин жиберип жарамазан айтып жүрүшөт. “Милиция келатат” дегенде таранчыдай тарап жок болушат. Кай бирлерин ата-энелери урушуп, желкелеп алып кетип жатышты. Таң калтырганы, кыргызча түшүнбөгөн орус баланын жарамазан айтканы болду. “11-12 жаштардагы баланын пайда үчүн кыргыз тилинде жарамазан үйрөнгөнүн кара” деп баш чайкадым. Анан да бул жерден бура бастырбай ээрчип, жарамазан айткан кичинекей кыздарды да жолуктурдум. Жарамазанды баш аламан баштаган алар “адыр-адыр тоолордон, айгыр минип биз келдик, айгыр башын тарталбай, ушул байкеге туш келдик...” деп оңдоп кетишти аягын. Бул жерде жашагандардын айтымында, жарамазан айткан бирөөнө акча берсең, артыңдан экинчиси келип айтат экен. Бири тигинтип унааларга, бири кырка тизилген дүкөндөргө айтып жүрөт. Бирок жарамазанчыларды сүйгөн бирөөнү да көрө алган жокмун. ИИМдин Жол көзөмөлдөө башкы башкармалыгына чалдык эле, "мындай абалда кырсык каттала элек" депбилдирди. Антсе да айтып кетер элек, урматтуу ата-энелер, балдарыңыздарды тыйыңыздарчы?! Жолдо минтип жаш өмүрдү тобокелге салышпасын!
ЖАРАМАЗАН КАЧАН ПАЙДА БОЛГОН?
Динде жарамазан айтуу барбы же бул салтпы? Аны кандай шартта айтуу керек?
Саясат ажы Асанов: – Динде жарамазан деген түшүнүк жок. Муну орто жолдо кожоюнду мактап, андан пайда табуу дейт элем.
Дастан Сарыгулов: – Негизи, жарамазан – кыргыздын салты. Анын тарбиялык мааниси чоң. “Кимдин үйүнө жарамазан айтып барса, кут келет” дешкен. Адамдарды биримдикке, тынчтыкка, ырашкерликке чакырат. Жарамазанды 8 жаштан баштап айтуу туура. Жарамазанчынын шагын сындырбоо үчүн куру кол узатпоо керек. Эң негизгиси, бул жерде үй ээсинин акча берүүсү эмес, бата берүүсү.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
bobi
2012-08-06 13:15:27
Жарамазан динде жок.Бир нерсе бериш шарт эмес.
0
Isa_HandSome
2012-08-07 01:59:54
Ооба,бирой Сарыгуловдун айтканы туура окшойт,мен деле 12мин,мурдагы жылы мен да жарамазан айткам. Бирок ,бул жылы ойлондум,айткан жокмун. Менин YЙYМО мурда куну еле 2 чон киши айтып келишти. Аккардеон менем шыгырык алып алышыптыр.
0
Benos
2012-08-07 02:34:32
Ke4ee kunu menda baikelerim m.n iftarda otursam , jash baldar kelip jaramazan aityp kaldy. Biraaz jaman korunup kalat eken. Men dele jash kezde ait4u elem birok ,bizdiki bashka4araak bol4u . A azyrkylardyky takyr ele okshoshpoi kalat eken . Je sivilizasi9 degen ushubu
0
BYK
2012-08-07 11:35:36
Дастан Сарыгулов ушул кишини былтыркы жааган кардан кийин коргум да уккум да келбей калды.
0
Kubanychbekkagan
2012-08-07 17:13:30
Жарамазанды Биринчи дүйнөлүк согуштагы жакырчылык убагында айтышып, курсактарын тойгузушкан. Ал кийин бара-бара салтка айланып,учурда жаш балдардын кайыр суроо модасына айланды. Өткөндө парта баратсам эки бала артыман чуркап келип эле бай деп туруп жарамазанын шатыратып кирди. Кароосуз калган балдар го десем, жок ата-энеси бар эле балдар экен. Ата-энеси намыстанбайбы...
0
kipchak
2012-08-07 23:00:59
Kubanychbekkagan, Tuura. Jaramazandy kolunda jok bechara,jetimder gana aitat dep oiloim.
0
Bakin
2012-08-07 18:41:24
Жарамазан салт болгону менен анын айтуу тартиби менен айтканы он болмок. Бир ит коруп урсо, бир ит корбой урот болбостон...
0
zamir_kgz
2012-08-08 00:01:07
Бироого зар, бироого кор. Мисалы биз тарапка келсе азда болсо тыйын тыпыр бермекмин, бир аксакал да ушундай деп калды. Атамдын уйундо болсо Апам жадатышты булар тыйын болсо жаш балдардын шагын сындырбай берип кой деди. Эсимде кичинемде шагым сынганы, а мен нак эле которуп койдум.
0
ms-23
2012-08-08 15:42:48
Дастан Сарыгулпв каарыды,интербю бербей деле койсо болот.
0
AGAT
2012-08-08 18:07:43
jaran - 20 күнгө банга!
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерге жазылып жөнөтүлүшү керек.
0
Мэри
2012-08-13 15:33:02
Макаланын баш созу аябай жакты, жакшы жазылыптыр, таасирдуу...
0
Комментарий калтыруу үчүн өз ысымыңыз менен кириңиз же каттоодон өтүңүз.
Дастан Сарыгулов: