«АТА ӨНӨРҮ БАЛАДА»

Ушундай чакырылыштын алдында Нарын шаарынын “Алма-Бак” эс алуу сейил багында 14-август күнү райондор аралык “Ыр кесе” болуп өттү. Президент жар салган Үй-бүлө, ынтымак, тынчтык жана кечиримдүүлүк жылына карата жер-жерлерде губернатордун демилгеси менен “Ыр кесе” уюштурулган.
Нарын шаарынын вице-мэри Салтанат Эсенаманова иш-чара тууралуу: “Быйылкы жылы “Ыр кесени” мамлекет башчынын жарлыгына ылайык тематикада өткөрүп жатабыз. Мугалимдер, медиктер, кол өнөрчүлөр, орган кызматкерлеринин ичинен таланттуу үй-бүлөлөрдү тандап алдык. Мисалы, атасы комуз чертсе, апасы ырдаса, уулдары кыяк тартып, түрдүү өнөрлөрүн тартуулашат. Ошондой эле ар улуттун өкүлдөрү да катышып, “Ыр кесенин” максаты болгон биримдикке чакыруу, ынтымакты даңазалоо демилгесин ишке ашырып отурабыз. Албетте, иш-чаранын жүрүшүндө элдин арасынан нукура өнөрпоздорду да таап калышыбыз ыктымал”,- деди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 511, 17-23-август, 2012-ж