Казакстандын Кыргызстандагы Маданият күндөрү саамалыгынын алкагында 15-21-август күндөрү Бишкекте Казак киносунун күнү болуп өтөт. Анда “Казакфильмдин” президенти Ермек Аманшаев, СССРдин Эл артисти Асанали Ашимов, белгилүү режиссёрлор Сатыбалды Нарымбетов, Ардак Амиркулов, Сламбек Таукел жана учурда Казакстанда талкуу жаратып жаткан, казактардын жуңгарлар менен күрөшүн баяндаган тарыхый дастан, "Жаужурек мың бала" фильминин жылдызы, жаш актёр Асылхан Төлеповдун келүүсү күтүлүүдө. "Жаужурек мың бала" тасмасы 16-август күнү “Ала-Тоо” кинотеатрында коюлду.