Талант Анарбаев: «ЖАҢЫ САЯСАТЧЫЛАРДЫ ТУУРАЙМ»
Концертке келиңиз
– Саламатсызбы, Талант, сахнага көп чыкпай калдыңыз да...
– Бишкекте сахнага чыкпасам да, чыгармачылык менен Орусиянын жыйырмадан ашык шаарларын кыдырдым. Андан ары Кытайга барып, ал жактагы жердештерге да күлкү тартуулап келдим.
– Алар кандай кабыл алышты?
– Жакшы. Өзгөчө Кытайдагы кыргыздар күлкүгө суусап калышкан экен. Күлкүлөрү арзан экен деп калдым (күлүп).
– Сиз жакында концерт берем деп жатасыз, даярдыктарыңыз кандай?
– Эми алдын ала мактанбайм. Даярданып жатабыз болушунча. Көптөн бери Бишкекте концерт коё элекмин. Ошого билек түрүп катуу даярданып жүргөн кезим. Анан да кечеге орто муундун да, жаштардын да ырчыларын чакырдым. Буюрса, жакшы болот.
– Концертте кандай өзгөчөлүк күтсөк болот?
– Өзгөчөлүгү, жаңы саясатчыларды туурайм жана Талант жаш бала, кемпир, келин, кыз, айтор, ошол күнү күбө болосуздар.
– Ушундай таланттуу адамдын таланты уулдарынан да байкалса керек...
– Ооба, улуу балам Байтилек эки жашта. Кичине болсо да музыкага абдан жакын. Азыртадан байкалат. Кичүүм Элтуран бирге толду. Балким, чоңойгондо көрөбүз. Мендей куудул же ырчы болом десе, каршы эмесмин.
– Сизге чыгармачылык ийгилик. Концертиңизди жакшы өткөрүп алыңыз.
Алмагүл Турдалиева
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
Концерти качан экен баргым келип жатат
маладес брат озгонго да келиниз кутобуз
Талант байке чындыгында таланттуу мырза. Ийгилик сизге!
Молодец!Мага аябай жагат ушул куудул.
Онорун оркундосун Талант! Алла балдарындын бактысын берсин!
элдин омурун узартып кулку тартуулап журо берин
ЖЕНеша озунон кетет го,шляпаны кондуруп!БАлдары ширин экен!Ишинизге ийгилик!
merim, Озун озунон кетип калыпсын го.
Талант брат талантыныз оркундой берсин!Мээрим ушундай сындаганды качан токтотобуз?
Сиздин Манасты озбекче айтканда мындай болмок дегениниз жакты
