НАРИМАН ТҮЛЕЕВГЕ ДАГЫ БИР КЫЛМЫШ ИШИ КОЗГОЛДУ

Жогорку Сот Нариман Түлеевдин баш коргоо чарасын өзгөртүп, үй камагына бошотуу чечимин чыгарды. «Бишкек шаары үчүн кытай автобустарын сатып алууда коррупцияга жол берип, 1 миллион 400 миң долларды кымырып алган» деп шектелип кармалган эл өкүлү УКМКнын камагында эле. Жактоочусу Султан Баратов эл өкүлүн үй абагына чыгаруу өтүнүчү менен алгач Бишкектеги Биринчи Май райондук сотуна кайрылып, терс жооп алган. Биринчи Май райондук сотунун тергөө бүткүчө Түлеевди УКМКнын абагында калтыруу чечимин Бишкек шаардык соту да күчүндө калтырган. Эми Жогорку Сот аны үй абагына чыгаруу чечимин кабыл алды. Бирок Түлеев УКМКнын абагынан чыгарылган жок. Эртеси, 16-августта Башкы прокуратура тарабынан депутатка «Коррупция» кинеси менен дагы бир кылмыш иши ачылды. Депутаттын жактоочусу Султан Баратовдун айтымында, Түлеевдин ден соолугу начар. Ал Мюнхенге (Германия) барып, рак илдетин аныктоо боюнча текшерүүдөн өтүшү керек.
«Акыркы кезде кыргыз саясатчылары менен чиновниктеринин арасында ушул залалдуу илдетке чалдыккандар көп болуп жатабы?» деген суроо туулат. Мисалы, Мурат Суталинов... Же бул оор илдетке жамынып качып кетүүнүн амалыбы?

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

nazi25

2012-08-20 12:35:52

Ай яй биздин чондорубуздун оорусу ай.

natu

2012-08-20 21:52:05

мурун еле мен ооруп атам ишимен кетейин корунушум керек дебейби еми камака тушкондо ооруп калбай

guljigit90

2012-08-21 03:48:30

кылмыш иши козголгон чондордун баары эле ооруйт кыргызстан ошого онолбойт да бут оорукчандар башкарып жатса

guljigit90

2012-08-22 03:18:41

Уялсанар боло кичине

ayildik_kiz

2012-08-22 12:05:40

Нариман байкебиз байлыкты аябай эле жыйган экен Токтогул кочосундогу Рахат соода борбору да бул кишиге караштуу экен

Aelina

2012-08-22 12:52:15

Narimandy jakshy kishi dep ishenchu elem, baary ele korrupsiaga belinen batyp kalishkan turbaibi, emne eldin akchasin jeit? ozunun bailigi dele az emes ko, Kudaidan jetsin.

asdf

2012-08-23 09:42:58

Байларын кичине эле грипп болуп калса эле ден соолугу начар чет мамлекетке барыш керек анан уй камагына алды дешет.Турмодо канчалаган бей куноо адамдар ден соолугунан ажырап отурушат.Милиондогон акчаны жегендер деле кыргыздын жигиттерин кырандай кыргандар деле боштондукта журушот.Аларды эмнеге камашпайт же карганын козун карга чукубайбы??? Адил Б

Комментарий калтыруу үчүн өз ысымыңыз менен кириңиз же каттоодон өтүңүз.

№ 511, 17-23-август, 2012-ж