НАРЫН ЭЛИ ТЕЛЕКАНАЛДУУ БОЛДУ

21-август күнү Нарын облустук телекөрсөтүүнүн алгачкы эфири обого чыгып, теңир-тоолуктар көптөн күткөн телеканалын өз телевизорлорунан көрө башташты. “Нарын облустук телекөрсөтүүсү алгачкы жолу 1993-жылы КТРдин эфири аркылуу чыккан. Кыргызстандын бардык дубандары сыяктуу эле күндүзгү саат ондон он бирге чейин убакыт берилчү. Бирок бул мезгил аралыгында көпчүлүк иште болуп калганына байланыштуу облустук телекөрсөтүүлөрдүн аудиториясы да чакан эле. Минтип жаңы бийлик келери менен ар бир облустук телерадио компанияларына 10 миллион сомдун тегерегинде бирдей каражат каралып, техникалык жабдуулар сатылып алынды. Алардын катарында Нарын облустук телеканалы да өз жыштыгында ишин баштап отурат”,- дейт Нарын облустук телерадио көрсөтүүсүнүн башкы директору Бейшенбек Калыков.
Алгачкы бет ачар эфирине өкмөттүн өкүлү Канатбек Муратбеков катышып, мындан ары да телеканалдын материалдык-техникалык базасын чыңдоо боюнча жардам берилерин билдирди. Эфир азырынча кечки саат жетиден он экиге чейин, жарым түнгө дейре уланат. Телеканалдын беш сааттан турган биринчи обосу жамааттын өз продукцияларынан туруп, жаңылыктар топтому да көрсөтүлдү.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

ulutbek

2012-08-28 00:56:32

кут болсун

Bekusha

2012-08-29 04:02:12

Kuttuktaim men abdan kubanychtamyn!!!!!!!!!!!!!!

sabirdinovich

2012-08-29 11:54:03

Куттуктайм, дайыма жакшылыктын жарчысы болуп, элди чындык маалымат менен камсыздап тургула. Ишинерге ийгилик каалайм.

nelli

2012-08-30 01:58:40

куттуктайм иштерине ийгилик

angellove

2012-09-01 02:12:04

Биринчиден Нарын ТВ-нин начальниги болуп эмгектенип келе жаткан тайкем Б.Калыковду куттуктайм!Эмгегиниз зор! жана коллективин!

Комментарий калтыруу үчүн өз ысымыңыз менен кириңиз же каттоодон өтүңүз.

№ 512, 24-30-август, 2012-ж