ШААРДА СУУНУН БААСЫ КЫМБАТТАДЫ

Ош шаардык кеңешинин депутаттары иче турган суунун баасын жогорулатуу боюнча чечимди кабыл алышты. Буга чейин суунун 1 метркубу 3 сом 75 тыйын болсо, эми 5 сом 31 тыйын болот.
«Ош шаардык суу каналы» муниципалдык ишканасынын башчысы Дөөлөтбек Көкөчөров суунун кымбатташын төмөндөгүчө түшүндүрдү: «Суунун 1 метркубу 3 сом 75 тыйын болчу. Эми 5 сом 31 тыйын болот, суу эсептегичи бар жарандарда. Шаар тургундарынын көпчүлүгүнүн суу эсептегичи жок болгондуктан, алар ар бир киши башына мурда 13 сомдон төлөшсө, азыр 18 сом 57 тыйын төлөшөт. Суу эсептегич коюп алса аз акча төлөмөк, суу да сарамжалдуу болмок. Бизде 16 жерде насостук түтүктөр бар. Жылына 2 миллион сомго жакын электр энергиясына төлөйбүз. Биздин негизги максат, Совет учурундагы суу түтүктөрдү жаңылап, сууну сарамжалдуу иштеткенге адамдарды көндүрүү болуп жатат. Башка мамлекеттерди карап көрсөңөр, суу эң эле кымбат. А бизде эң арзаны суу болуп жатат. Базардан 50 сомдук дарбызды алып келишет да, биздин канчалаган хлорлорду кетирип тазалап берип жаткан суубузду шарылдатып дарбызынын үстүнө агызып коюшат. Барган сайын химикаттар да кымбаттап баратат. Ошон үчүн сууну бир кымбаттатканга туура келди».

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

monchok

2012-08-27 18:58:06

Туура кыласынар жайлапсынар элди кыйнагыла. Свет качан кымбаттайт эми?

elka_manas_kg

2012-08-28 10:52:32

bawka olkolordo suu az jana kir, al emi kirgizstanda mongu kop, suu da kop, bulaktan taza suular 4igat, emi suu da kimbattasa kirgizstanda a4ar4ilik bawtalat go, bawka mamleketterde kimbat dep kimbatta bergen mumkun emes go!

natu

2012-08-28 22:21:37

кыргызстанда суу еле болсо арзан болотда

jamek10

2012-08-28 23:12:35

ошол суу эле калды эле кымбаттабаган ал эмне озу уйундо суу уномдоп жуунбай дэги эле суусу жок отурганын коргум келип жатат аябай

sanka

2012-08-29 14:50:17

Сууга бай олко болсок анан анын эмнесин кымбататышат.

nelli

2012-08-30 01:56:33

жакында эми жуткан свежий абага да акча толойсунор деп закон чыгарышпаса эле болду

Комментарий калтыруу үчүн өз ысымыңыз менен кириңиз же каттоодон өтүңүз.

№ 512, 24-30-август, 2012-ж