АК-САЙДА СЕЙИЛ БАК АЧЫЛДЫ

Талас районунун Ак-Сай айылынын тургуну Айдарбек Кутманалиев мындан 10 жыл илгери жалпысы 25 гектар келген адырлуу жерге мөмө-жемиштүү бактардын 32 түрүн, декоративдүү дарактардын 29 түрүн отургузуп, дендро сейил багын уюштурган эле.
Азыр алар мөмө-жемиш бере баштаган кези. Мындай уникалдуу, ар түрдүү дарактардан турган кооз сейил бак республикабызда жок.
Быйылкы жылы Талас райондук мамлекеттик администрация башчысы Байрак Сейдибалиевдин буйругу менен райондо «2012-жыл – Эр Солтоной жылы» деп аталган. Санжырачылардын айтымында, 18-кылымдын орто ченинде Таластан чыккан Эр Солтоной кыргыз баатырларынын башын бириктирген. Аларга аскер өнөрүн үйрөтүп, калмак-кытайларды жергебизден сүрүп чыгарганга зор салым кошкон. Кыргыз элин чет душмандардан коргогон Эр Солтонойдун урпагы Айдарбек Кутманалиев өзү түзгөн дендро сейил багын Эр Солтоной атындагы Айдарбек сейил багы деп атады.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

antivir

2012-09-05 09:24:54

керемет!

Elegans

2012-09-08 00:39:21

Азамат! Ушундай инсандар коп болсо. Алла таалам эки дуйнодо бактылуулукту насип кылсын.

Комментарий калтыруу үчүн өз ысымыңыз менен кириңиз же каттоодон өтүңүз.

№ 513, 31-август-6-сентябрь, 2012-ж