Чүй облусунун «Кант» чек ара тозотунан аткезчилик жол менен күйүүчү жана майлоочу май ташып бара жаткан адам кармалды. УКМКнын Чек ара аскерлигинин басма сөз кызматы билдиргендей, кармалган адам 38 миң литр күйүүчү жана майлоочу майын мыйзамсыз жол менен ташып бараткан. Тиешелүү документтер толтурулуп, күнөөлүү адам УКМКнын Ысык-Ата райондук бөлүмүнө жөнөтүлгөн. Учурда бул иш боюнча иликтөө иштери жүрүп жатат.