Акыркы убактарда өлкөбүздө жашы жете электерге карата сексуалдык мүнөздөгү кылмыштардын саны өсүүдө. 2 кыздын атасы болуп калган адам 3 жаштагы наристе кызды зордуктаптыр...
БАЛМУЗДАК, «ЧУПА-ЧУПС» АЛЫП БЕРИП АЛДАП... 2012-жылдын 19-августунда кечки саат тогуздарда Октябрь РИИБинин нөөмөт бөлүмүнө шаардын кичирайондорунун биринде 3 жашар кыз короодо ойноп жүрүп дайынсыз жоголуп кеткени тууралуу маалымат түшкөн. Маалыматтан улам РИИБдин өздүк курамы түп көтөрүлүп, окуя болгон жердин айланасында издөө иш-чараларын өткөрүшкөн. 2 сааттан соң жоголгон кыз табылып, ата-энесинин колуна тапшырылган. Эртеси ошол эле ата-эне милицияга кайрадан кайрылышат. Себеби үйгө баргандан кийин түнкүсүн кыздын кийимин чечип жаткырып жаткан убакта кийимдеринен кандын тактары чыккан. Ошол замат соттук-медициналык, соттук-биологиялык экспертиза дайындалып, экспертизанын корутундусунда наристе кыздын зордукталганы тастыкталган. Бул факт боюнча кылмыш иши козголуп, иликтөө иштери башталат. Иликтөө учурунда окуяга күбөлөр 40-45 жаштардагы киши кичинекей кызды балмуздак, «Чупа-чупс» алып берип карьер тарапка жетелеп кетип, кайра 20-30 мүнөттөн кийин ээрчитип келгендигин айтышкан. Кызды алып кеткен жерине таштап, маршруткага отуруп кетип калган. Милиция кызматкерлери тарабынан шектүүнүн аты-жөнү да такталып, 40 жаштагы киши колго түшүрүлөт. Биринчи эле суракта ал кылмышын моюнуна алып, зордуктаган жерин көрсөтүп, кантип зордуктаганынан бери айтып, көрсөтмө берген.
«ӨЗҮМДҮН ДА ЭКИ КЫЗЫМ БАР»
Кылмышка шектелип кармалган Жолдошалы Жунушалиевди журналисттерге жолуктурганда ал зордуктагандыгын мастыгына шылтап, бирок окуя кандай болгондугу толук эсинде экендигин төмөнкүчө айтып берди:
– Өзүм курулушта иштейм. Ажырашып кеткем. 2-класста жана 7-класста окуган эки кызым бар. Көчөдө баратсам 3-4 жаштардагы кыз үйүн издеп ыйлап жүрүптүр. Үйүн таап берейин деп сурасам, ар кайсы подъездди көрсөтө берди. Анан кыздын колундагы «Чупа-чупс» жерге түшүп кетти эле, аны алам деп эңкейгенде турсийи көрүнүп калды. Аны көрүп дүүлүгүп кетип, алысыраак алып барып турсийин чечтирдим. Анан ушул окуя болуп кетти. Бир убакта кыз ыйлап жиберди эле, аны көтөрүп келип жол боюнда турган орус кыз менен балага «бул кыз жоголуп кетиптир» деп айтсам, алар телефон чалышты эле, кыздын атасы келди. «Колуң менен жасаганыңды моюнуң менен тартасың» дейт, кылган күнөөм үчүн жооп берем. Күнөөлүү болдум, кылганыма кейип жатам.
«АЛГАЧ ЗОРДУКТАЛГАНЫ БИЛИНГЕН ЭМЕС»
Октябрь РИИБинин башчысы Рафик Мамбеталиев:
– Алгач «3 жаштагы кыз жоголуп кетти» деген маалымат түшкөн. Аны эжеси ойнотуп жатып жоготуп жибериптир. Кыз табылып, ата-энесине өткөрүлүп берилген. Ошол убакта кыз ыйлаган, корккон абалда болбогондуктан, эч кандай шек алган эмеспиз. Эртеси 20-августта ата-энеси келип кийимдеринин кан экендигин айтты. Экспертизадан наристенин зордукталгандыгы билинер замат Октябрь РИИБинин тергөө бөлүмү тарабынан Кылмыш жана жаза кодексинин 129-беренесинин 3-бөлүмү (жаш кызды зордуктоо) жана 130-берене (14 жашка толо электиги белгилүү болгон адамга карата сексуалдык мүнөздөгү зомбулук аракеттер) боюнча кылмыш иши козголгон. 2 күндөн кийин кылмышка шектүү делинип 1972-жылы Нарын облусунда туулган, Ак-Босого жаңы конушунун тургуну Жолдошалы Жунушалиев аттуу жаран колго түшүрүлгөн. Ал кылмышын толугу менен моюнуна алган.
ЗОРДУКЧУ КАЗА БОЛДУ 25-августта убактылуу кармоочу жайдан СИЗОго которулган кылмышка шектүү Жолдошалы Жунушалиев ошол эле түнү каза болгон. ЖАМКнын маалымат кызматынын билдиришинче, Жолдошалы Жунушалиев түнкү 2 чамасында бир жолу колдонуучу сакал алгыч менен өзүнүн тамагын кесип салган. "Тез жардамдын" дарыгерлерине анын өмүрүн сактап калууга мүмкүн болгон эмес. Учурда анын эмне үчүн, жана кандай жагдайларда каза болгондугу иликтенүүдө.
Ата сакалы ээгине бүткөн адамдын «наристе кызды көрүп дүүлүктүм» дегени акылга сыйбаган иш. Ушул сымал зордукчулардын көбү кармалганы менен, капканга түшө электери да бар. Мисалы, мындан бир нече ай мурун Арча-Бешик жаңы конушунда 8 жаштагы кызды зордуктап, муунтуп өлтүргөн айбан дале эркиндикте. Запкы көргөн наристелердин кийинки тагдыры кандайболот?..
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (65)
Abiloverlan
2012-09-05 18:58:39
шайтандын ишин кылыптыр.акмак
0
elif
2012-09-06 12:04:51
oshol uchun baldarinardi jakshina karagila ata -eneler,aylanada emne degen aybandar bar bile albaybiz...kichine kizdarga dele kiska yubka kiygizishten korkosun...
0
mill
2012-09-06 20:50:26
бул даана айбан турбайбы 3 жашар кызды зордуктап
0
fanat.kg
2012-09-06 21:44:41
Кыргызстан дагы олум жазасын киргизиш керек... Мындай акмактарды колу-бутун сындырып аябай кыйнап ):-( жана дагы колу бутун байлап ат менен суйроп олтуруш керек!!!
0
nurik_8585kg
2012-09-06 21:55:12
Бaшкa мaмлeкeттe болчу элe,эми биздe дa болуп Аллaхым ыймaнын бeрсин кыргыз элимe эми эмнe кылaбыз бaшкa жол жок Аллa тaлaм билeт дa
0
remma
2012-09-07 09:00:07
Олум жазаасын киргизиш керек башкасын таппай калды эле эми бул табылды го эл алдына алып чыгып олтуруш керек эле деги биздин чондор Бишкекте елеби? дегин келет газета окушабы?деги эмне деген кордук байкуш наристе!Эми эмне болуп олгонун иликтеп жатат дейт го эмне болуп олот эле олтурушту да туура кылат анын эмнесин иликтейт тиякта 3 жашта бала азап тартып отурса мойнуна алса анан делать нечего болсо ошентип болбогон нерсени иликтеп журо беришсин андан коро эмне кылыш керек ошону ойлосонор
0
alina97
2012-09-07 10:03:41
Кыргыздарда закон жакшы иштебейт чондор жакшы иштебей жатышат баардык иш чондордо ушуга катуу закон чыгарып койсо мындай иштер болбойт олум жазасын киргизиш керек
0
kubu_kuba
2012-09-07 15:27:02
Кыргыз элим баарынар эле олум жазасын киргизиш керек дейсинер,киргизгенде дагы баягы эле паракорлукта акчасын алат чыгарып жиберет.Милиция кызматкерлеринде куноонун баары,эгер ал киши акчасын бергенде бул ишти тымызын бутуруп коюшат эле ошол себептен ушундай жаман окуяларга кабылып жатабыз.Ач калган карышкырларга окшобой карынынарды тыйып чынчыл мекен учун иштеп бериниздер.Эскертуу:!!!ушуга окшогон органдарга да тийиштуу болсун создорум.Бул-ачуу чындык
0
Narynbek
2012-09-07 17:53:28
Кудай сактай кор.Озумун эки кызым бар деп коет.Олгону ырас эле болуптур.Дагы бироонун шоруна калмак.
0
gulmira031987
2012-09-07 18:34:12
Бул киши адам эмес эле эки буттуу макулук экен, дагы уялбай айтып бергенин карасан.Озунун кыздарын ойлоп койбойбу жок дегенде. Кудайым озу жазасын берсин!
0
jasminka
2012-09-08 13:38:31
Аллахым озун сактай кор жаман адамдардан шайтандардан. Аларга ыйман бер!!!
0
pioni
2012-09-08 23:00:31
Аллах сабыр берсин. Аллах сактанганды сактайм дейт.Бул биз кыздардын баарына сабак болчу корунуш кичинекей бейкуноо кыздын тагдыры ушу болсо жарым денесин ачып жургон кыздарыбыздын тагдыры кантет. Бардык эркектин эле эрки кучтуу эмес ошол себептен кыздар жабык кийинсенер озунорду чон балеелерден коргойсунар.
0
pioni
2012-09-08 23:03:03
Бардык ыплас нерселер ыймандын жетишсиздигинен келип чыгат.
0
prinsessasvetok
2012-09-09 03:33:54
мындай адам кантип жер устундо жашап журду ичи арам мурун эле олуп калганында мындай болбойт эле
0
AFRODITA-89
2013-03-16 16:57:23
бул айбандык да!!!
0
Комментарий калтыруу үчүн өз ысымыңыз менен кириңиз же каттоодон өтүңүз.
