БЕШ АДАМДЫН ӨМҮРҮН АЛЫП КЕТКЕН АВТОКЫРСЫК
Бир эле секунд убакыт кимдир бирөөнүн өмүрүн алып коюшу мүмкүн. Эгемендүү мамлекет болгонубузду майрамдап жаткан күнү бул жол кырсыгы катталды.
КЫРСЫК КАШ-КАБАКТЫН ОРТОСУНДА
31-август күнү саат 17лер чамасында Таш-Көмүр шаарына караштуу Чуютсай айылындагы Бишкек-Ош автожолунда Кара-Суу районунун Кызыл-Кыштак айылынын тургуну Сейитбек Атабаев (1972-жылы туулган) Хонда Одиссей үлгүсүндөгү автомашина менен Оштон Ала-Бука районун көздөй бара жаткан. Анын артында Хонда Степ Вагон үлгүсүндөгү автоунаа менен Кара-Суу районунун тургуну Марат Айбашев (1987-жылы туулган) бараткан. М.Айбашев алдындагы С.Атабаев башкарган автоунааны кууп өтмөк болгондо карама-каршы багытта келе жаткан автоунаа чыгып калган. Натыйжада М.Айбашев андан качам деп өз багытында бара жаткан Хонда Одиссей үлгүсүндөгү автоунааны сол капталынан сүзүп, эки унаа тең жолдон чыгып кеткен. Бул кырсыктын натыйжасында 5 адам каза таап, 13 адам катуу жаракат алган.
Кырсыкка туш болгон Хонда Одиссей автоунаасынын айдоочусу С.Атабаев бизге окуяны баяндап берди:
«АЯЛЫМДЫН, БАЛДАРЫМДЫН АМАНДЫГЫН ТИЛЕП ОТУРАМ»
– Жубайымдын, балдарымдын амандыгын Кудайдан тилеп отурам. Мен ал күнү Оштон чыгып үй-бүлөм менен Ала-Бука районун көздөй сапар тарткан элем. Унаада эки кайним, жубайым, балдарым менен 7 киши баратканбыз.
Артымда Хонда Степ Вагон катуу ылдамдык менен келаткан. Анын алдында 100 метр алыстыкта Ауди үлгүсүндөгү автоунаа келаткан. Степ Вагон үлгүсүндөгү машинанын айдоочусу аны да кууп өтүп кетти. Алдыда бизге карама-каршы багыт менен КамАЗ келе жаткан. Арткы айнектен карасам, Хонда Степ Вагон мени да кууп өтүү максаты менен келаткан экен, үлгүрөм деп ойлоду окшойт. Аңгыча алдыдагы КамАЗды көрүп калдыбы, андан качам деп менин унаамдын сол капталынан урду. Машинам жолдон чыгып кетти. Ылдый тарап жар болгондуктан, мен кайда качарымды билбей калдым. Сүрүлүп барып тоголонуп кеттик. Кудай бар экен, болбосо мындан да жаман болмок. Эгер жол кенен болгондо, балким, мындай болбойт беле?.. Менин унаамдын ичиндегилер аман калганына каниет кылып жатам. Учурда алар Ош шаардык ооруканасында. Бирок жубайымдын акыбалы өтө оор. Балдарымдын болсо жаак эттери айрылып, колу-буттары сынып кетиптир. Жубайымдын, балдарымдын абалына кыжалат болуп, сакайып кетишин күнү-түнү Кудайдан тилеп жатам.
АЖАЛГА КАРАЙ ШАШЫЛЫП…
Бир караганда эле Хонда Степ Вагондун айдоочусу М.Айбашевдин 140-150 ылдамдыкта келе жаткандыгы жана тар жолдо алдындагы автоунааны кууп өтүүгө болгон аракети бул кырсыкка негизги себеп болгондугу билинип турат. «Калктуу аймак» деген белги коюлуп, ал жайда 60 километр/саат ылдамдыкта гана жүрүү мүмкүн экендигине карабай жогорку ылдамдыкта жүргөн айдоочунун күнөөсү менен 5 киши бул жарык дүйнө менен кош айтышты.
Бул иш боюнча иликтөө жүргүзүлүп, иш тергөөгө өткөрүлүп берилген. Учурда күнөөлүү айдоочу М.Айбашев ден соолугунун начардыгынан улам Таш-Көмүр шаардык ооруканасына жеткирилгенин билдик. Хонда Одиссейдин айдоочусу С.Атабаев да учурда ушул эле ооруканада.
Аталган окуя боюнча тергөөчүгө кайрылганыбызда, бизге кошумча маалымат берүүдөн баш тартты.
Эмне дейбиз, Кудай да сактанганды сактайт эмеспи. Андыктан ар бир айдоочу өз унаасына өзүнүн эле эмес, өзгөнүн да өмүрүн кошо сала жүргөнүн унутпаса.
Каза болгондор: Хонда Степ Вагон автоунаасынын жүргүнчүлөрү:
1. Абдухалил уулу Жеңишбек, 1992-жылы туулган. Ош облусу, Ноокат району.
2. Абдухалил кызы Орозгүл, 1990-жылы туулган. Бишкек шаары.
3. Анарбаева Бүажар, 1958-жылы туулган. Ош шаары, Араван району.
4. Тынчтыкбек уулу Умар, 2010-жылы туулган. Ош шаары Араван району.
5. Тилекбек кызы Үмүт, 1993-жылы туулган. Ош облусу, Алай району, Гүлчө айылы.
Жабыр тарткандар:
1. Эшматова Тургунай, 1966-жылы туулган. Бишкек шаары.
2. Жолдошев Адилет, 2004-жылы туулган. Жалал-Абад облусу, Ала-Бука району.
3. Орозбай кызы Түркүнай, 1991-жылы туулган. Ош облусу, Чоң-Алай району.
4. Атыбаев Семетей, 2003-жылы туулган. Ош облусу, Кара-Суу району.
5. Атыбаева Айгерим, 2005-жылы туулган. Ош облусу, Кара-Суу району.
6. Көкманова Чынсулуу, 1973-жылы туулган. Ош облусу Кара-Суу району.
7. Маматаева Айдана, 1995-жылы туулган. Жалал-Абад облусу, Аксы району.
8. Раимкулов Искендер, 1997-жылы туулган. Жалал-Абад облусу, Ала-Бука району.
9. Мырзамамытов Барсбек, 2010-жылы туулган. Жалал-Абад облусу, Ала-Бука району.
10. Арзыбеков Асылбек, 1992-жылы туулган. Жалал-Абад облусу, Ала-Бука району.
11. Умаров Бектур, 1989-жылы туулган. Ош облусу, Кара-Суу району.
12. Атабаев Сейитбек, 1972-жылы туулган. Ош облусу, Кара-Суу району (Хонда Одиссейдин айдоочусу).
13. Айбашев Марат, 1987-жылы туулган. Ош облусу, Кара-Суу району (Хонда Степ Вагондун) айдоочусу.
Гүлжан Эшбаева
jalalabad@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (32)
ошо да мен эми кантип уктайм.
Эхх. Мен бул суротту коргондон кийин... аябай жаман болдум. Суротун коруп кээ бир жарандар чочуп, айдаганда аярлап калышса керек деген умут да жок эмес...
Бир жолу Бишкектен келе жатып, аябай катуу айдаган айдоочуга туш болгон экенбиз. Жургунчулордун бири, жайыраак айданыз десе, "сени аман-эсен уйуно алпарып койсом болдубу, коркпо" деп коет. Унаанын ылдамдыгынан да Кудайдан корпогон андай немеден коркуп журогум алкымымда келген эле. Деги аяр болуш керек да кайда болбосун..
Эхх.. кудай сактасын жамандыктан озун сакта,мен жашаган жерденда биро бар экен,мен билбепмин ушул кырсыктан каза болгонун,Кыргыз туугандарым мусулман элим шашкан,попути,таксилерге отурбай эле койолучу. бирок ажал келсе баары бир алып кетет
Кудайым ай, озун сактааа...журогум ооруп кетти...каза болгондордун арасында жапжаш кыздар бар кен гоооо :-(
Эх:-(...Каза болгондордун жаткан жери жайлуу болсун! Кырсык деген каш кабактын ортосунда турбайбы.Кечее эле менин алысырак байкелеримдин бири, кулгундой жаш курагында жол кырсыктан коз жумду(((Жаткан жериниз жайлуу болсун,Эрлан байке! Бул кырсыкка жолдун жаман абалы себеп болгон экен,эмне болсо дагы абайлагылачы айдоочулар!
Рульу он жактагы машиналарды мингизбей коюш керек...
fanat.kg, Руль он жакта болгону эч кандай кырсыкка туртку боло албайт. Жеке озумду айтсам жаны гана уйронуп Хонда Одиссей айдадым. Эч кандай помеха болгон жок. Жада калса кээ бир моменттерде сол рулга караганда артыкчылыктары да бар экен. Бул каргашалуу окуяда адамдык фактор гана озунун бар экендигин корсотон.
Причем тут руль!!!!!!!Это человеческий фактор.150км/час это убийственная скорость. Знаем мы таких уродов, никакой культуры вождения, водительской солидарности. О чем он думал! Тут чисто одного водилы вина, других причин нет. И нечего тут на праворукие тыкать!
Кстати, каза болгондордун жаткан жери жайлуу болсун!!!Жалко!!!(((прям душа болит((
Руль он жакта болгон машиналарды ото тажрыйбалуу айдоочулар гана айдабаса, 1987-жылкы жаш балдар айдабай эле койгону жакшы.Обгон жасап жатканда корбой калганда карама каршы жактан келаткан КАМазды.Балким такыр карабай эле обгон жасаган. Жол эрежелерин билбей эле рульга отургандар толтура негизи бизде!Праваны сатып алгандар! Каза болгондордун кобу жаш экен:(.Кудайым аларга жанатты насип кылсын.
Gulchetai13, туура айтасын. Озу тек гана автоунаага тажрыйбалуу адамдар отуруусу зарыл. Тажрыйбасы аз адам коп адамды салып журуудон алыс эле болушса.
СтепВагондун айдоочусу куноолу деген пикирге кошулам. Анан дагы: Права саткандар кандай кырсыктарга себепкер болушу мумкун экенин унутушпаса!
Ар бир айдоочу жолго чыгаарда уйуно кайра аман-эсен келерин суйуктуу жубайы, мотурайган наристелери кутуп жатарын ойлоп жай шашбай айдоо керек. А эгер бойдок болсо жол карап куткон мээримду ата энесин ойлосун. Баардык айдоочуларга аманчылыкты каалайм!
Баса маалыматты элге узгултуксуз жеткирип баарынан кабардар кылган журналист сиздерге рахмат.
Жол эрежесин кылдатык менен окуп билип ага амал кылалычы баарыбызга жакшы болот
Урматту Кыргызстандыктар! Бул жерде он же болбосо сол жактагы башкаруунун шылтоосу жок. Бул жерде бир кана ылдамдык болуп жатат. Керек болсо сол жактан дагы башкарып бара жатып ылдамдыкты кучотсо, ал айдоочу дагы кырсыка кабылып калышы толук мумкун. Кептин баардыгы ылдамдыктан болуп жатат.
