Жакында Бишкек шаарындагы бир үй-бүлөгө кол салуу болуп, анын кесепетинен бир киши каза болсо, дагы үч киши оор абалда ооруканага жеткирилген. Кылмышкерлер 3 жана 11 жаштагы наристелерди да аяшкан эмес. Ошол эле күнү кылмышка шектүүлөр колго түшүрүлүп, анын биринин жабырлануучуларга туугандыгы бар болуп чыкты...
КОРООСУ КАНГА БОЁЛГОН ҮЙ 5-сентябрда кечки саат 11лерде 102 телефону аркылуу милицияга Бишкек шаарынын Кум-Арык көчөсүндө киши өлтүрүү болгондугу тууралуу маалымат түшкөн. Милиция кызматкерлери окуя болгон жерге келип, үйдүн ичи, короосу бүт канга боёлуп жатканын көрүшкөн. Ал эми тепкичте киши колдуу болуп каза болгон эркек кишинин денеси жаткан. Ал үй ээси Кайырбек Акимкановдун иниси, 41 жаштагы Рысбек Акимканов эле (ред.: өткөн саныбыздагы бул окуя тууралуу кабарда "үй ээси каза болгон" деп жаңылыш кетип калган). Мындан башка да 38 жаштагы үйдүн кожойкеси Миргүл Исабекова, 3 жана 11 жаштагы балдары менен бир нече жерлеринен бычактан жараат алышкан. Аларга алгачкы медициналык жардам көрсөтүлүп, ооруканага жөнөтүлгөн. Ашканадан кылмышка далил буюм, колдонулуп, кан болгон 3 бычак табылган.
ТУУГАНЫНЫН ҮЙҮНӨ – КАРАКЧЫЛЫККА Тергөөнүн версиясы боюнча, окуя төмөнкүчө болгон. Үй ээси Кайырбек үй-бүлөсүн кечки саат 8дерде үйүнө алып келип, жумуштары менен үйдөн кайрадан чыгып кетет. Ошол убакта үйдү карактоо үчүн 17 жаштагы Бактыбек Мукашев келгенде эки баласы менен Кайырбектин жубайы Миргүл жана иниси Рысбек болгон. Кимдер бар экендигин байкаштырып кайра чыккан Бактыбек шериги Гүлжигит менен чогуу кирип келет. Алар жаш балдарды бычак такап коркутуп, акча жана баалуу буюмдарды берүүнү талап кылышат. Каршылык көрсөткөн үй ээсинин иниси Рысбек кылмышкерлер сайган бычактан алган жарааттан каза болот. Ал эми үй ээсинин жубайы Миргүл Исабекова, 11 жаштагы кызы Разия жана 3 жаштагы уулу Айдар кылмышкерлердин бычагынан оор жаракат алышат. Тонойбуз деген ойлору ишке ашпай калганын байкап, экөө эч нерсе алганга жетишпей изин суутушат. Ленин РИИБинин кызматкерлери ошол эле күнү эртең менен кылмышка шектүүлөрдү кармап, иликтөө иштерин башташкан. Жыйынтыгында кылмышкерлердин бири Бактыбек Мукашевдин жабырлануучуларга туугандыгы бар болуп чыккан. Борборубуздагы кесиптик лицейлердин биринде окуган бала тууганын кантип тоноо тууралуу алдын ала Гүлжигит менен сүйлөшүп, экөө кылмышка бир жума мурун даярданышкан. Бул үчүн эргулдар электрошокер, оюнчук тапанча сатып алып, бычак да көтөрө киришет. Бул окуяда каза болгон Рысбектин сөөгү кичи мекени – Ысык-Көл облусунун Жети-Өгүз районуна жеткирилип, жерге берилди. Ал эми Разия менен Айдар шаардык 3-ооруканада дарыланып жатышса, алардын апасы Миргүл абалы оор экенине карабай балдарын кароодо. Бул кырдаал балдардын психикасына катуу таасир этип, жарааттары айыккан соң да аларды реабилитациялоо каралууда.
“ТОНОЙБУЗ ДЕП КИРИП, КИШИ ӨЛТҮРҮШКӨН”
Бишкек шаардык ИИБинин жетекчисинин орун басары Памир Асанов:
– Кылмышка шектелип Нарын облусунда туулган 17 жаштагы Бактыбек Мукашев жана 20 жаштагы Жалал-Абад облусунун Сузак районунда туулган Абдурашит уулу Гүлжигит аттуу жарандар кармалган. Алар күнөөлөрүн моюнуна алып, эмне максатта, кантип киргендери тууралуу көрсөтмө беришти. Кылмышка шектүүлөрдүн үстүнөн Ленин РИИБинин тергөө бөлүмү Кылмыш жана жаза кодексинин 97-беренеси (киши өлтүрүү) боюнча кылмыш ишин козгоп, тергөө иштери жүрүп жатат. Аталган кылмыш боюнча соттук-медициналык, соттук-психиатриялык жана башка экспертизалар дайындалган. Кандарында спирт ичимдиги же баңгизаты болгон-болбогону аныкталууда.
Кылмышка шектелип кармалгандар учурда Бишкек ШИИБинин убактылуу кармоочу жайында. Ал жакка киргенибизде экөө Гүлжигит иштеген курулуштун жанында Бактыбек жашагандыгын, ошол жактан таанышканын айтып беришти. Алардын сөзүнө караганда, Бактыбек Гүлжигитке “эжемдин үйүн тонойбуз” деген сунуш киргизген. Тоногон акчага экөө бирден машина алмакчы болушкан. Тер коротпой арам жол менен, ал тургай наристе жээндерин бычактаганга чейин барып машиналуу болгусу келген эргулдар эми темир тор артына отурууга аргасыз.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (24)
sezim_osmonalieva111
2012-09-18 13:13:26
Оной акча таап,машина алгысы келген акмактар.Эмне кундор болуп жатат,ыйман берсинчи адамдарга!
0
eliza_eliza
2012-09-18 18:49:24
Тер коротпой арам жол менен, ал тургай наристе жээндерин бычактаганга чейин барып машиналуу болгусу келген эргулдар эми темир тор артына отурууга аргасыз...да булда аздык кылат экооно, арам нерсе эч качан буйрубайт....
0
univer
2012-09-18 21:46:45
Тарбия корбогон адам кейпин кийген жырткычтар,омур бою куну-туну оюнардан,тушунордон каза б.н кишинин элеси кетпей,корко берип кыйналып откуло.
Кичинекей балдарга кантип бычак сайды акмактар, мындайлардын колун кессе да аз эмес.
0
AFRODITA-89
2012-09-19 16:12:55
болбогон байлык учун кылган иши ушул болдубу акмактардын! Кудай жазасын берсин! Турмодогу зектер буларды да кыйнасын!
0
rozaida
2012-09-19 19:01:03
Саламатсыздарбы! Терен кайгыруу менен кайгынарды тен болушкум кклди, тезирек сакайып кеткиле. Манкурт болгон айбандар, биздин замандын манкуртары, билими жок, тарбиясы эн начар денгелдеги жандар. Адам деген атка татыктуу эмес макоолук жандыктар. Ааланын жазасын алгыла, каргышка калып кантип жакшы жашоодо жашайм деп ишендинер? Бироно зыян келтируу спирт ичимдиктерин ичкенден келип чыгат. Ошол себептен улам жашы 21ге толо элек жаштарга тамеки жана спирт ичимдиктерин сатууга чон богот коюлуш керек.
0
Meris
2012-09-20 11:39:49
Жаткан жери жайлуу болсун. Балдар-энеси мн тез сакайып кетишсин. 17 жаштагы жапжаш колу буту аман соо балдардын мындай болушуна коом, окмот, ата-эне куноолу, биз куноолубуз. Жаш балдарга жардам корсотуу учун, турмушка кызыктыруу учун эч бир иш жургузулбой еле, телевизордо емне гана корсотпойт-анын баары наглядн. пособия-уйротуу китеби да, кайсы канал ачпа- киши олтуруу, балдар аркылуу максаттарды орундатту, бузукучулук, сойкучулук. Эмнеге Телевидениедеги программаларды - козомолдоо жок.
0
Meris
2012-09-20 11:47:16
Школ, ВУЗ - балдарга окуудан кийин, жай айларына иш, окуу, эс алуу иштерин уюштурсак- кучтуу, акылдуу, кундо осуп онугуп турган, эмне кылаарын билбеген жаштар бош убакыт аз болот еле. Бош ертеден кечке ужастарды коруп отурса энергиялары да начар иштерге кетирип жатат да. Бир аз айлык кылып, жетишпей жаткан организацияларга стжеровкага алышса иш мн таанышып балким ошол жерде келечегин да табышар еле. Азр ишке орношуу да оор емеспи- алар опыт ала берет еле. Колун, оюн ар кайсы иштерге аралашз кк!
0
Meris
2012-09-20 11:53:46
Менин да балам бар азр 3 жашта мен анын келечегинен корком- коом кандай болсо- ал да ошондой болуп калышына еч ким кепилдик бербейт. Жалгыз уй-було анча кучу жетпейт, Заманын бору болсо бору лоб, тулку болсо тулку бол- ошодунктун кудайдан болум окмотубуздогулор жаш балдарын ойлоор -чонтоктон мурда. даже уйунда акчасы толтура дамдардын балдары жаман булганган- ага да биз куноолубуз.
0
tatakozy
2012-09-20 17:21:34
Кудай тобоо деп эле журо беришсе акча деп адам олтурбой.
+1
bob
2012-09-22 19:00:19
Баш иштебесе
Буттун шору деп
Ата бабаларыбыз бекер айткан емес
0
nurik-mirrza84
2012-09-23 19:47:17
эх булар адам баласы эмес айбангада тенеш кыйын жыпжыланач кылыпле ачка плошатьтын так ортосуна байлап койюш керек башка ой кыска арам ойлоргода сабак болот ыйман берсин аллахым кыргызыма буларды коруп алдынкы келечектен коркосун
0
Комментарий калтыруу үчүн өз ысымыңыз менен кириңиз же каттоодон өтүңүз.
