ТАШЫП КЕТҮҮ КОРКУНУЧУНДА 18 КӨЛ БАР

Чүй облусунун аймагында ташып кетүү коркунучу бар 18 көл жайгашкан. Бул тууралуу Өзгөчө кырдаалдар министринин орун басары Давлетбек Алимбеков Жогорку Кеңештин комитет жыйынында билдирди. Быйылкы Тез-Төр көлүнүн ташып кетүүсүнөн кийин Өзгөчө кырдаалдар министрлиги тик учак менен Талас облусунан баштап кооптуу делген көлдөрдүн үстүнөн иликтөө иштерин жүргүзгөндүгүн айтат министрдин орун басары.
"Жалпысынан 2013-жылы 13 көлдүн ташып кетүү коркунучу бар. Аларды болтурбоо үчүн көлдөрдүн тосмолорун бекемдеп, суу өткөрбөөчү дамбаларды куруу пландалууда. Ала-Арча суусунун жанында суу өткөрбөөчү дамбаны куруу сунушу айтылып, учурда каражаты эсептелип жатат. Эсебин чыгаргандан кийин сунуштарды беребиз. Азыр Ала-Арча тоо кыркаларында эле 18 ташып кетчү коркунучтуу көлдөр саналууда",- дейт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 515, 14-20-сентябрь, 2012-ж