СЫЙМЫК БИЙЛИКТЕГИ КАЙСЫ ДОСУНА НААРАЗЫ, ЫЯ?

Башталышы – 18:30 (30 мүнөт кечикти)
Билет баасы – 250-350 сом
Көрүүчүлөр – Филармониянын 50 пайызы (9-сентябрь күнү)
Алпаруучу – Төкмө акын Азамат Болгонбаев
Мыкты номер – Сыймык Бейшекеевдин комуз менен ырдаган ырлары

Тогологунан келген сылык мүнөз Сыймык Бейшекеевдин туулган күнүнө арналган концертине эл аз келди. Көрүүчүлөрдүн көпчүлүгүн улуу муун түзгөнүн айта кетейин. Аз келгенине карабай шатырата кол чаап, “Күзгү нөшөр” ырын Сыймык ырдабай эле, залда отургандар ырдап салышты го, чиркин. Акыркы концерттерде элдин да активдүү болуп баратканын байкадым.
Конок катары чакырылган көптөгөн ырлардын автору Жанышбек Кочкоров үн созгондо залда отургандар "айт-уйт" деп коштоп, ырчыга дем берип турушту. Сыймык Токтогул ырчы өзү чапкан комузун анын урпактары белек кылганын айтып мактана да кетти. Дал ошол комузда “Ким элек, ким болдук?”, “Бийликтеги досума” деген ырларын ырдап элди ойго салып койду. Кызыгы, "Бийликтеги досума" деген ыры кимге арналды болду экен?" деген суроо туулду. Бирок андан кийин жаңы чыккан ырларын аткарып берип, ал маанайды жууп кетти окшойт.
Ырчыны өздүк майрамы менен куттуктап Роза Аманова “Маржан” тобу менен, Бек Борбиев, Гүлнур Сатылганова, Аскат Мусабеков өңдүү ырчылар келишти. Сахнада тердеп-кургап, улам-улам жүз аарчысы менен аарчынып ырдаган Сыймыкка эл ыраазы боло бир топко тынымсыз кол чабышты. Калк кадырлаган таланттарга калайык өзү эле ушинтип сураттырбай кол чабышат.

Толик сынчы

Кыстарылган видео

Сыймык Бейшекеевдин жеке концертинен репортаж

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Lollipop

2012-09-19 00:13:27

Коптор жактырышат Сыймык байкенин ырларын.Концертке келууну да коптор каалайт.Бирок,азыркы убакта элдерге"не до концертов"болуп атат

tolik

2012-09-21 16:16:20

Чыныгы талант ушул аке.

Ysykataarashan

2012-09-22 00:31:27

Сыймык элдин сыймыгы.

Venchuk

2012-09-22 09:34:26

Атына жараша заты дегендей.Баа берем укмуш.Бирок кээ бир ыргадан ырларынын создору озунуку эмес да эмнеге алардын атын чыгарбай озунун атынан ырдайт

Tolckunbek

2013-01-11 03:31:05

ийгилик кошуна аке! жакшы ырдайт!

Комментарий калтыруу үчүн өз ысымыңыз менен кириңиз же каттоодон өтүңүз.

№ 515, 14-20-сентябрь, 2012-ж