ШЕКАФТАР ШААРЧА БОЙДОН КАЛДЫ

Кыргыз өкмөтүнүн Жалал-Абад облусундагы ыйгарым укуктуу өкүлү Ж.Төрөмаматов Чаткал районунун Сумсар айылдык округуна караган Шекафтар шаарчасынын жашоочулары менен жолугушту. Жолугушуунун максаты Шекафтар шаарчасын кайрадан айылга айландыруунун алдында элдин көйгөйүн угуу болду. Бул жолугушууда жергиликтүү тургундар таза суу, жол, айыл инфраструктурасын жандандыруу маселесин көтөрүштү. Ошондой эле кен казып алып жаткан чет элдик компаниялардын ишмердүүлүгүнө сындар айтылды. Чаткал районунун акими Акматбек Таласбай уулунун айтымында, Сумсар айылдык округунда 6 миңге жакын эл жашайт. Ал эми Шекафтар шаарчасында 3 миңдей тургун бар.
“Тээ Союз маалында Шекафтар шаарча болуп катталып калгандыктан, учурда аны айылга айландыруу жана ал статусту кайра түптөө багытында кыйынчылыктар болууда”-, дейт аким.
Бул маалыматты тактоо максатында Шекафтар шаарчалык айыл өкмөтүнүн орун басары А.Таировго байланышка чыктык.
Элдин шаарча тибинен айыл тибине өтүүгө каршы болгонунан улам ушундай жыйынтыкка келдик”,- деп Шекафтар шаарча бойдон калгандыгын айтты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Emaela

2012-09-18 18:43:36

Биздин айылго,коптон бери бара элекмин,сагындым.Буйруса жакында барамын,ураааааа........!

Ysykataarashan

2012-09-18 19:40:51

Туура шаарча бойдон калсын бирок шаарчадай кылып ондош керек. Бузула баштады.

Sagy

2012-09-22 16:21:56

Ала Букадан Шекафтарга чейинки жолду ондоп берип койсонор эле болот эле. Ар бир барган сайын машинени талкалап келем((..

Комментарий калтыруу үчүн өз ысымыңыз менен кириңиз же каттоодон өтүңүз.

№ 515, 14-20-сентябрь, 2012-ж