«КЕЧИР, БАШКАНЫ СҮЙҮП КАЛДЫМ...»
«Мени жанынан артык сүйүп, сыйлап турган Намыста эмне күнөө? Ал сымбаттуу, жогорку билимдүү, колунда бар үй-бүлөнүн баласы болгонуна карабай, мен карапайым айылдык бир жигитти сүйүп калдым...» деп кеп баштады редакцияга келген ак жуумал Мээрим аттуу бийкеч.
СҮЙГӨН КЕСИП
– Кичинекейимден орган кызматкери болууну самап, мектепти аяктаган соң Ички иштер министрлигинин академиясына тапшырып, аны ушул жылы аяктап, милициянын лейтенанты деген даражага ээ болдум. Сүйгөн кесибимдин ээси болдум деп кубанычым койнума батпай турганда мага Баткен облусунун Тажикстан менен чектешкен айылдарынын биринде иштөө жөнүндө буйрук чыкты. Буйрук деген буйрук, ал жерге барып иштөөгө каршы болгон жокмун. Бирок ата-энем, бир-туугандарым, курбуларым жадакалса 3 жылдан бери сүйлөшүп жүргөн жигитим да каршы болуп туруп алды. Жигитим турмуш куруу тууралуу сунуш киргизди. Мен макул болбодум. Ага жок дегенде бир жыл иштеп, анан турмушка чыгарымды айттым. Бишкекте төрөлүп-өскөнүмө байланыштуу жакындарым «сен шаарга көнүп калгансың, айылда иштей албайсың. Ал жакта байланыш, интернет да жок...» деп айтышты. Мен оюмдан кайткан жокмун.
Кесибиме аябай берилгендиктен, эч кимдин сөзүн укпай Баткенди карай жөнөдүм. Айласы кеткен ата-энем макул болуп ийгилик каалады. Атам мени алып келип, жайгаштырып кетти. Жумушта баары мени жылуу тосуп алышты. Тез эле аларга аралашып, жергиликтүү жашоо-шартка көнүп кеттим. Менин алыстан келип иштеп жатканыма түшүнүү менен мамиле жасап, колдорунан келген жардамдарын берип, колдоо көрсөтүштү.
Кесиптештеримдин арасынан Кайрат аттуу жигит экөөбүз жакын жашагандыктан, жумушка чогуу келип-кетчүбүз. Ал мага көп жардам берип, иштин айынан кеч калган күндөрү күтүп, үйгө жеткирип койчу. Ошентип жүрүп экөөбүз достошуп калдык.
БААРЫНА ДАЯР НАМЫС
– Жигитим менен телефон аркылуу сүйлөшүп турсам да, Кайрат менен болгон жылуу мамилебиз сүйүүгө айланды. Мени жанынан артык көрүп, сүйүп, сыйлап турган Намыста эмне күнөө?.. Ал сымбаттуу, жогорку билимдүү, колунда бар үй-бүлөнүн баласы болгонуна карабай, мен карапайым, айылдык бир жигитти сүйүп калдым. Жигитиме аны сүйбөөрүмдү айтуу мен үчүн өтө оор эле. Экөө менен тең сүйлөшүп жүрдүм. Убакыт өтүп, Намысты эмес, Кайратты сүйөрүмдү түшүнүп, Намыска баарын айттым. Башка бирөөнү сүйөрүмдү билсе да, ал мага үйлөнүүгө даяр. Намыс, мени кечир, жүрөккө буйрук бере албайт экенсиң. Мен чындап Кайратты сүйүп калдым. Мен сени сыйлайм жана алдай албайм. Туура түшүнөсүң деп ишенем. Айла жок ушинтип гезит аркылуу сага кайрылууга аргасызмын. Бактылуу бол!
Мээрим
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (37)
Чыныгы кыргыз кыз экен айылдык карапайым жигит шаардык кызга үйлөнсө болбойт екен бактылуу болгула!
уйлонгучо канча кызды суйдум жетпесем олуп калам деген кундор болгон. Суйуу бул уйбуло куруп аялына болгон суйуу чыныгы суйуу ага чейин тоок суйуу тоок
оокат кылып, балалуу болуп кайын журту менен ызы-чуу болуп башталганда анан суйуусун корот да, иии суйуу ушул турбайбы деп тушунот да.
куноо эч кимде жокко бирок бирок ошол мурунку суйлошуп жургон жигити Намыска кыйын болуптур байкуш
kimisin suison da baktyluu bol da
Терме тезек-келме кезек дешет го абайланыз! Азыр сиз бироонун конулун,журогун оорутсаныз,ыйлатсаныз ал кайра кайрылып озунузго келип калышы мумкун! Бирок кандай болбосун суйуктуунуз менен бактылуу болунуз!
ал жигитти суйгон учун 3 жылдан бери суйлошуп журсо керек деп ойлопмун башка жакка кетип башкасын суйуп калса боло береби журок 1ди суйот кыз туура эмес кылган ал карьераны 1-орунга коюптур кыздарга карьера 2-орунда ал эми уй-було 1-орун болуш керек!
Мээрим сен Кайратты тандадын! Кайра артка жол жок анткени сен бул сөздөрүн менен Намыстын жүрөгүнө тийдин ал баары бир сени кечире албайт! туура, сен ачыгын айттын бирок еркек кишинин көнүлү калса абдан жаман экен! Жылдар өтсө да унутушпайт жана сага экесесин чыгарат! Ошентсе да туура жолун тандадын деп тилейм! Бакыт каалайм!
сиз алыста жургон учун кайрат жакын адам боло тушту ,бул менин оюмча жон эле ,убактылууча болгон достук мамиле,сиз конуп калгансыз ага ,эми командировкага барып эле куйоого тийе турган,коптон бери суйлошуп жургон адамды таштап кетуу болбойтко
Охоо эртен Намыска турмушка чыгып 3 жыл жашап анан дагы бир башка Кайратты суйуп калсачы?Бул жагын да ойлогула.Бул кылган ишин мамилеге жатпайт.
Бул жерде Кайрат жонундо эч нерсе айтылган эмес балким ал сени суйбойттур а кыз суйсо калат бала суйсо алат деген соз бар го элибизде так что думай о будущим...
туура кылгансын суйгонун менен жашаш кандай жакшы
суйуу-бул таенендин чайнеги эмес,
каалаган убагында кайнатып иче албайсын ,ал кокусунан келет дечу эле .........чын экен
Ой суйуу бул убактылуу Эле нерсе суйуу жок просто айал заты бат конуп кетебиз, эркек суйсо ошол суйуу
