БАНДИТСИҢБИ, АНДА МАМКЫЗМАТКА ЖОЛОБО

ЖКда кылмыштуу топтун башчысы же мүчөсү болгон адамды мамлекеттик кызматка жолотпоо тууралуу мыйзам долбоору комитеттен колдоо тапты. ИИМдин орун басары Мелис Турганбаев «жарандын уюшкан кылмыштуу топтун мүчөсү же таза экенин сот аныктасын» дегенде депутаттардан суроо жаады. Эл өкүлү Бөдөш Мамырова «эгер силер «бандит» деп кармап берген адамды соттор актап жиберишсе кантесиңер? Анткени соттор алардан коркот, «кылмыштуу топтун мүчөсү» деген статус бере алышына күмөнүм бар» десе, депутат Төрөбай Зулпукаров кээде ИИМдин өкүлдөрү да аша чаап кетишерин, мындай укук берилип калса, эртең баары эле кылмышкер болуп чыгышы мүмкүн экенин, андыктан сот аныктаганы туура болорун айтты.
Колдоого ала турган мыйзам. Ал ишке кирсе, кечээ эле кылмыш кылып жүрүп, бүгүн мамлекеттик кызматка же ЖКнын креслосуна келип алуу мүмкүн болбой калар эле. Андай учурда Улан Чолпонбаев сыяктуу депутаттардын абалы кантер экен? Чолпонбаев учурунда кримавторитет Камчы Көлбаевдин тобунда жүргөнү, атүгүл анын кассири болгону эл ичинде айтылып жүрөт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

emilkyrshab

2012-09-25 14:50:58

андай болсо,АЖООБУЗДАН баштайлы,тааладагы дыйкандан эмес!!!

dota

2012-09-25 15:36:54

Азыр БАНДИТТИН АТАлары отурат, анан кантип бандитти мамкызматка жолотпой койо аласынар дейм да ыя не дебединер!

Комментарий калтыруу үчүн өз ысымыңыз менен кириңиз же каттоодон өтүңүз.

№ 516, 21-27-сентябрь, 2012-ж