КАРАБАКТЫКТАР БАЗАРДЫ ЖЫЛДЫРЫП БЕРГИЛЕ ДЕЙТ

Баткен районунун Карабак айыл өкмөтүнүн тургундары губернатордон жүрөк өйүткөн бир маселесин чечип берүүнү суранышты. Айыл элинин атынан айыл өкмөт жана активисттер мындай дешет: «Биз, карабактыктар, өндүргөн товарларыбызды 2 чоң базарга алып барып сатабыз. Алар: Баткен шаарынын базары жана Самаркандек айылынын базары. Тилекке каршы, аталган 2 базар тең ишемби күнү болот. Товарларыбызды сатууга 1 күн жетишсиз болуп, кошумча Тажикстанга алып барууга аргасыз болуп жатабыз. Ал жакка баруу үчүн чек арадан өтүүгө туура келип, түрдүү маселелер жаралууда. Эгер Баткендин базары жума күнгө жылдырылса жакшы болмок. Жума күнү Баткенде, ишемби күнү Самаркандекте базар болуп элге абдан ыңгайлуу болмок. Тажиктер өрүк жана башка нерселерди алуу үчүн бизге өздөрү келишмек».

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

balia

2012-10-01 11:53:09

Ооба туура мурда баткен базары жума куну эле кайра жылдырса жакшы болмок.

Комментарий калтыруу үчүн өз ысымыңыз менен кириңиз же каттоодон өтүңүз.

№ 517, 28-сентябрь-4-Октябрь, 2012-ж