ЯПОН МАКАКАСЫ КАРАКОЛДО

Өлкөбүздө жападан жалгыз Жапайы жаныбарларды коргоо борбору Каракол шаарында жайгашкандыгы жалпыга маалым. Жакында эле Казакстандын зоопаркынан жаныбарлардын 16 түрү, жалпысынан 60 жапайы жаныбар алынып келинди. Адистер жапайы жаныбарларды дагы кан алмаштырып, аргындаштырып туруу зарылдыгы бар экендигин белгилешет. Алыстан келген жаныбарлардын катарын япон макакасы да толуктайт. Маймылдын Каракол зоопаркына алынып келиниши тарыхта алгачкы ирет. Адистердин маалыматына таянсак, бул породадагы маймылдар ысык-суукка чыдамдуу келишет. Келечекте зоопаркка жолборстун келиши күтүлүүдө. Ал үчүн эл аралык деңгээлдеги зоопарктардын катарына кошулуу керек. Жапайы жаныбарларды коргоо борборунун директору Салтанат Сейитованын "учурда зоопаркта эл аралык деңгээлге чыгуу үчүн жаныбарлар жетиштүү болду. Бир гана алыскы-жакынкы мамлекеттердеги зоопарктардын көрсөтмөсү керек. Ошол барак колго тиери менен жолборс да алынып келинет" дейт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

erali

2012-10-08 22:06:37

Жакшы жылыш бар,убакыт болсо коруп келем.Жаныбарлар дуйносуно кызыгам.

Kroxa

2012-10-12 10:49:24

зоопаркта уй жаныбарлары эле бар эле мындан 3 жыл мурун барсам керек лама,1аюу жудогон бар болчу анан буркуттор,жалгыз аккуу жапайылардан ушулар.жакшы болот эле эл аралык денгээлге жетишсе экен ылайым!!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 518, 5-11-Октябрь, 2012-ж