МЕКТЕПТИ ОҢДООГО 60 МИЛЛИОН СОМ КЕТТИ

Ош облусунун Кара-Суу районуна караштуу Мады айылындагы Садык Алайчы атындагы орто мектеп толугу менен оңдолуп, 3-октябрда колдонууга берилди. Жаңыртылган мектептин ачылыш аземине облустук бийликтин атайын өкүлү Сооронбай Жээнбеков, ЖКнын депутаты Жылдызкан Жолдошева, Билим берүү жана илим министринин орун басары З.Каденова жана айыл тургундары катышты.
“Бийликтегилер окуучулардын татыктуу билим алышына шарт түзүп бериши керек. Жаш муундардын келечеги алган билимдеринин сапатына жараша болот”,- деди Сооронбай Жээнбеков. Эскерте кетсек, бул мектепти баштан-аяк оңдоп-түзөөгө өлкөнүн казынасынан 60 миллион сом бөлүнгөн

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 518, 5-11-Октябрь, 2012-ж