«МАНАСТА» КЕРЕГИ ЖОК МУНАРА КУРУЛУУДА

АКШнын Коргоо министрлиги "Манас" аэропортунда бийиктиги 36 метрге жеткен аэронавигациялык мунара куруу үчүн 30 миллион доллар бөлгөн эле. Буга байланыштуу КСДП фракциясынын депутаты Олег Домшенко “аэропортто курулуп жаткан аэронавигациялык мунараны бар же жок кылыш керек” дейт. Анткени "заманбап, эл аралык талаптарга ылайык 36 метрлик мунара курулат" деп иш башталганы менен, учурда 25 метрлик мунара тургузулууда. Ал эми 24 метрлик мунара буга чейин эле бар болчу, демек, окшош мунара куруунун зарылчылыгы жок. ЖКнын тиешелүү комитети июнь айында “мунаранын курулушу токтотулсун” деп чечим чыгарганына карабай курулуш улантыла берген. Курулуштун баасы да өтө кымбат экенин айтат эл өкүлү.
Мунаранын чуусун биринчи болуп “Ата Мекен” фракциясы көтөрүп чыккан. Бул иш Өмүрбек Бабанов өкмөт башчы болуп турганда башталып, куруу тендерин түркиялык “Серка” компаниясы утуп чыккан. Ал кезде Бабановго “түрк ишкеринен кымбат баалуу аргымак белекке алып, мунараны куруу укугун ошол түрк фирмасына кымбат баага баалап алып берген” деген айыптарды жабышкан.
"Биз грант үчүн ыраазычылык билдиребиз, бирок пайдасы жок гранттын өлкөгө кереги барбы? Эмне үчүн америкалыктардын акчасын шамалга сапырып жатабыз?",- деп Домшенко суроо салат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

aote

2012-10-08 11:16:24

tuuRa maseleni kotoruptur

adilet_3234

2012-10-09 10:25:44

туура маселе, Бабановду катуу текшеруу керек.

karona12

2012-10-11 02:51:55

Бабанов мунараны куруу укугун турк фирмага аргыммакка алмашса кыргызстанды да чоонураак нерсеге алмаштырып жиберетго кызык прьемер ушундай кылса депутаттар кайда бармак эле

konya

2012-10-11 19:40:03

алчусун алып алышса мунара курула берет да токтобой

Kroxa

2012-10-12 11:01:31

жалан каражатты керег жок жактарга жумшап чондор кутурду андан коро уй салып коп балалууларды же инвалиддерди киргизип койбойбу элди ойлошпойбу...

emilkyrshab

2012-10-13 22:52:19

Kroxa, аны бир айтабызбы,беш айтабызбы,бизди бироо укпайт,бул деген капчыкты малекеттин казынасы менен толтуруунун бирден бир ыкмалары болуп эсептелеери айдан ачык,урматтуу Kroxa

emilkyrshab

2012-10-13 22:48:54

калган 11 метрдин каражаты кулкумга батып кетсе,кайдан 36 метр,ошо 25 метрге ылайык каражат алкымга батканга улгурбой калган го...

Комментарий калтыруу үчүн өз ысымыңыз менен кириңиз же каттоодон өтүңүз.

№ 518, 5-11-Октябрь, 2012-ж