КЫЗЫЛ-КЫЯНЫН МЭРИ КЫРГЫЗСТАНДЫН СИМВОЛИКАЛАРЫН БИЛБЕЙБИ?

Баткен облусуна караштуу Кызыл-Кыя шаарында илинген көрнөккө биздин назарыбыз түштү. Ал президент Алмазбек Атамбаевдин 2012-жылды Үй-бүлө, тынчтык, ынтымак жана кечиримдүүлүк жылы деп жарыялаганына арналган. Мындайды дээрлик Кыргызстандын бардык булуң-бурчунан көрүүгө болот. Бирок Кызыл-Кыяга илинген көрнөктүн айырмасы тиешелүү деңгээлде көңүл бурулбагандыгында.
Биринчиден, мамлекеттик туудагы түндүк ортосунан бөлүнүп, анын жарымы гана берилгендиги. Бул кош көңүл, кайдигерликтен кабар берет.
Экинчиден, көрнөктүн жалпы фонунун түсү жашыл болгондугу. Ал түскө мамлекеттик туунун да кошо боёлуп кеткендиги таң калтырат. Туунун түсү жашыл эмес, сары менен кызылдан турарын Кызыл-Кыя мэриясы билбейби?
Кызыл-Кыя мэриясынын өкүлдөрүнө байланышка чыгып, кайрылуубузду түшүндүргүчө «силерге өзү эмнеси жакпай жатат?» деп демитишти. Кийин жөнүн уккан соң «буклеттерден эле алганбыз, анын үстүнө ага мэриянын алдындагы социалдык бөлүм уруксат берген» деп кутулду.
Айрымдар жумурткадан кыр издешиптир деши мүмкүн. Бирок «тамчыдан мухит куралат» демекчи, ар бир элемент бир бүтүндү түзөт. Мэриянын имараты болобу же көчөдөгү көрнөк-жарнакпы, бул – шаардын жүзү. Анын жанынан күнүнө ондогон, жүздөгөн адамдар өтөт. Билбегендерге Кыргызстандын туусу жарым түндүктүү, түсү жашыл экен деп таанылат. Андыктан мамлекеттик символикаларга абай мамиле кылсак...

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

Aziz91

2012-10-15 11:29:43

:)) кызык

shayl2106

2012-10-16 17:28:23

дунктон чегип алып жазап илишкен го,мындай кантип болсун?козунорду ачкыла,ойлонгула,иштегиле!!!

fanat.kg

2012-10-16 18:52:16

Мэрди иштен алып камаш керек

imperator

2012-10-17 02:17:48

atambaevge tatyktuu,Akaev bolso,Bakiev bolso bawka kep ele.(Ar kimdin dengeeline jarasha)

Kurbanalieva1991

2012-10-17 05:36:44

Oiii bul Kyzylkyianyn kaisyl jerinde boldu eken, korbogom go!?

mormelad88

2012-10-17 18:36:17

а бир эле ошол эмес башкалары деле кыйратпайт ко ушу кыргыздын чиновниктерин не на вижу 20жылдын арты болду теги эле жылыш жок озбек менен казакты байкасанар уяты жок жегичтер

Rustik90

2012-10-18 11:25:53

Биринчиден ал артында турган символикалар Экинчи фондо турат, а экинчиден мындай Рекламный банерлер баардык жерлерде жыргатаарлык эмес бир гана Кызыл-кияда эмес! Айтаарга соз, чыгараарга макала таппай калып ушуну таптынарбы?! Реалдуу, керектуу нерселерди жазып чыксанар боло, озунор деле байкапсынар жазган макаланар Жумурткадан кыр издегендей болгонун!!!

Dreamland

2012-10-20 20:25:18

Бул жерде фон кызыл болбой жашыл болуп калган, кун караманын желекчелеринин багыты тескери болуп калган. Бул банерди жасаган дизайнерлердин сабатсыздыгынан. желектин жарымы эле корунуп калган дегенге кошулалбайм. Президентти бир банер, желекти озунчо бир банерге коюп коюш керек анда...

Комментарий калтыруу үчүн өз ысымыңыз менен кириңиз же каттоодон өтүңүз.

№ 519, 12-18-Октябрь, 2012-ж