11-ноябрда Ош шаарында «Тамашоу» Лигасынын түштүк аймагындагы филиалы ачылат. Филиалдын ачылыш аземине карата фестиваль өтөрүн уюштуруу тобунун мүчөсү Кадыр Жарматов билдирди.
«Ош, Жалал-Абад, Баткен облусунун алыскы райондорунан «тамашоучулар» топтолуп, учурда алардын саны 25ке жетти. Командалар көбөйүп баратканынан аларга кастинг өткөрүүгө аргасыз болуп жатабыз. Фестивалга күчтүү командалар катыша алышат»,- дейт К.Жарматов. Айта кетчү нерсе, түштүк аймактан чыккан күчтүү командалар борборго жолдомо алышат.