ОРУСИЯ КЫРГЫЗ АРМИЯСЫНА 1,1 МИЛЛИАРД ДОЛЛАРЛЫК КУРАЛ БЕРЕТ

Кремль жакынкы арада Кыргызстанга 1,1 миллиард доллар, ал эми Тажикстанга 200 миллион долларлык курал-жарак берерин орусиялык гезиттер жазып чыгышты. Бул АКШнын Борбордук Азиядагы таасирин азайтууга карата Москванын чарасы. Каражат акчалай түрдө эмес, аскердик техника, курал-жарак менен берилет. Бул маселе сентябрда Орусиянын президенти Владимир Путиндин Бишкекке келген сапарында учкай айтылып, эми ал президент Алмазбек Атамбаевдин декабрь айында Москвага болгон иш сапарында каралары күтүлүүдө. Өткөндө эле өлкө башчысы учурда атайын багыттагы «Скорпион» бөлүгүнүн 25-бригадасы гана эл аралык талапка жооп берерин билдирген. «Жадакалса жакшыраак формабыз да жок»,- деп парламенттин коргоо жана коопсуздук комитетинин төрагасы Токон Мамытов арызданган.
Орусиялык басылмалардын маалыматы боюнча, 2014-жылы АКШнын аскердик күчтөрү Ооганстандан чыгып кеткен соң Кремль Кыргызстан менен Тажикстанды куралдандыруу аркылуу Борбордук Азияда өзүнүн таасирин күчөтүүнү самап жатат. Ал эми орусиялык оппозиция мындай чоң суммадагы каражатты бөлүп жаткандыгы үчүн бийликти сындап чыгышты. Орусиянын Коргоо министрлиги Кыргызстанга 1,1 миллиард долларлык курал берүү боюнча маалыматты тастыктаган жок.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

TolonturCN

2012-11-12 12:16:44

Атаганат! качанга чейин чет өлкөдөн келген жардамга сүйүнүп жүрөөр экенбиз, өз киндигибизди өзүбүз кеспей, канчалаган мамлекет жөн жеринен эмес, жада калса табигий кырсык болгон күндө да башка өлкөлөрдүн жардамын кабылдабай өз эрдигин эл арага көрсөтүп жүрөт. бул жактан Кытай, ал жактан Окемдер кайтарымсыз каржысы менен өз саясатын,

Aridan777

2012-11-12 14:41:24

Таак,кайра ошол курал-жарактын баарын акырындан сатсак жок дегенде жарым баасы чыгат болду бекен?Дегеним жепжутарлар кичине дагы болсо бекер келген нерсеге топук кылып,өз ара бөлүшүп,өлкө казынасына жеңилдик кылышаар беле дейм да.

nur.kg.ak

2012-11-15 16:03:13

Ушундай деп палан олкодон палан акча тукун олкодон тукунчо акча болуду деп гезит бетегине жазышып, мактанышып жатабыз. Бул болунгон акчалар мамлекеттин чонтогуно жеткиче эч нерсе калбай калып жатбайбы. Дагы айтабыз корупцияга карышы иштеп жатабыз деп чондорубуз мактаны-жактанып эле болбой жатат. Балык башынан сасып жатса аа калгандарын айтбай эле койойлуу. Чын айтсам сыркы карындарды санап келгенде Кыргызстанды сатып ала турган болуп калды. Чондорго кайрыларым бир аз намыстансанар бололо. Озунор

imperator

2012-11-16 02:17:53

Ха-ха,1947 жылкы АКШ президенти Трумандын доктринасына окшоп калыптыр го.***Комунизм илдетинден сактануу*** максатында Турция менен Грецияга акчалай жана аскердик курал жардам берген.

Likvidator

2012-11-21 14:45:24

Акча карыз алып чонтоко урганга караганда бул бир аз болсо да мамлекетке жардам болот деп ойлойм.

Комментарий калтыруу үчүн өз ысымыңыз менен кириңиз же каттоодон өтүңүз.

№ 523, 9-15-Ноябрь, 2012-ж