Аида Салянова, КРнын Башкы прокурору:«ЖАКЫНДА ДАГЫ БИР ДЕПУТАТКА КЫЛМЫШ ИШИ КОЗГОЛОТ»
14-ноябрда эл өкүлдөрү Нариман Түлеевдин кармалышынын мыйзамдуулугун текшерген депутаттык комиссиянын отчётун угушту. Жыйында башкы прокурор менен депутаттык топ Түлеевдин иши боюнча бир пикирге келе алышпай, акыры парламенттик комиссиянын маалыматын эске алуу токтомун кабыл алып, маселени токтотушту.
МИСТЕР ИКС КИМ?
Депутат Курманбек Осмонов комиссия Нариман Түлеевди кармоо мыйзамсыз деген тыянакка келгенин айтса, башкы прокурор Аида Салянова эл өкүлүн камакка алуу толук мыйзамдуу жүргүзүлгөнүн билдирди. Аида айым жакында дагы бир нече эл өкүлдөрүнө кылмыш иши ачыларын айтты. «Жакын арада силерге дагы бир депутаттын кылмыш иши боюнча кайрылам. Башкы прокуратурада бул боюнча материалдар бар, бирок мен алардын ысымдарын азыр атагым келбейт»,- деди Аида Салянова.
«Бийликти күч менен басып алууга аракет кылышты» деген айып тагылып, УМККнын СИЗОсунда «Ата Журттун» 3 депутаты отурат эмеспи. Депутат Жылдызкан Жолдошова «аларга да кылмыш иши туура эмес козголгон» деп чыкты. «Андай болсо Убактылуу өкмөттүн мүчөлөрү да жоопко тартылышсын. Эмне үчүн 2005-2010-жылдардагы революцияны жамынып бийликке келгендер жоопкерчилик тартышкан жок?»- деп суроо салды Жылдыз айым.
СОЦИАЛ-ДЕМОКРАТТАР КЫЛМЫШ КЫЛГАН ДЕПУТАТТАРДЫ КАЛКАЛАБАЙТ
Бул арада КСДП фракциясы билдирүү менен чыкты. Анда фракция эгер депутатка кылмыш иши козголсо, анын кол тийбестигин алып салууга макулдук берүүнү жактап чыгышары айтылган. Буга чейин «Ата Мекен» фракциясы Социалдык өнүктүрүү министри Равшан Сабиров камалганда тергөө иштерине, сот процессине кийлигишпесин билдирип, «эгер министрдин күнөөсү болсо, жооп берсин» деп ачык айтып чыккан эле. Андан улам ой келет, «Ата Журттун» депутаттары да фракциялаштарынын жолу менен кетишсе, ансыз да абройдон кол жууп бараткан парламенттин баркы жогорулай түшөт беле?
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (10)
Азамат айымго,сыйлайм,кыргызча,орусча граммотно суйлоп баарын оз ордуна коет го чиркин,тиги Жылдыз эжем сабак алса болчудай ажылдай бербей.
калп эле спектакль ойной бериштин не кереги бар!камадык демиш болуп кайра эле актап чыгыр атышат же ушул убака чейин бир куноосун мойнуна алып кесилген депутат болдубу?прокуратура сот ушинтип депутаттардан акча сындырып бизнес кылып атышат да!
озулору номер биринчи корупционер болуп атышат! кылган ишинин жыйынтыгы жок калп эле камадык деп
biri birinerge asylyp juro beret ekensinerda
бирин кайын бирин тал,бирин олуп бирин кал
Бул Сальянованын кылганы туура эмес Тулеевди эч куноосуз жерден отургузду муну бир кудай озу коруп турат чындыкты Аидага да бир куну жалган жалаа менен иш козголуп турмого отурса экен
mer, Тулеевдин куноосу бар экенин биз билбейбиз да. Куноосу болсо камалсын да, куноосу жок болсо бошотулсун туурабы mer? Бирок куноосу болсо айоосу камалсын ээ?
Кыйын экен,Аида айым,аялзаты болсо да,жырткыч саясатчыларга туруштук берип,курошуп келет.Мен сыйлайм бул адамды,ишине ийгилик каалайм.
калпле эми жулунуп жулкунумуш боло беришет экен биздин депутаттарыбыз тимле сессия даже мушташканга чейин барышат бирок резулътаты эч чыкпаганы жанды кашайтат чын журоктон булкунушкандаго кыргызстан 7 8 жыл мурун бутуна турат болчу
Аида эже сиздей болгон прокурор 1000 жылда бир келет
