ШАДИЕВ ДАГЫ АКТАЛДЫ...

ЭЛЬМИРА ИБРАИМОВА Эсептөө палатасынын төрайымы болуп шайланды.
«Континент» басмаканасынан 1900 ашыкча шайлоо бюллетени табылды. Бул боюнча БШК кабарлады.
Ысык-Көл районунун Тамчы айылынын тоолорунда 600 ГЕКТАРДАН ашык аянттагы кургак чөп жана бадал күйүп кетти.
Кыргызстан энергетикалык секторун кайра калыбына келтирүү үчүн «Азия өнүктүрүү банкынан» 40 МИЛЛИОН ДОЛЛАР грант алат.
2013-жылы кыргызстандыктардын орточо айлык маянасы 13,4 МИҢ СОМДУ түзөрү күтүлүүдө.
13-ноябрда Бишкекте Жаштар, эмгек жана ишке орноштуруу министрлиги тарабынан 35 ЖАШ ТҮГӨЙДҮН үйлөнүү үлпөт тою өткөрүлдү.
25-ноябрдан 10-декабрга чейин аялдарга зордук көрсөтүүгө каршы 16 КҮНДҮК АКЦИЯ өтөт.
14-ноябрда ЖАЛАЛ-АБАД ОБЛУСУНДА өрттөн бир кампадагы 3 тонна күрүч, 150 түк чөп, 400 түк саман, 1 тонна көмүр жана 100 түк пахта күйүп кетти.
Жогорку Сот 14-ноябрда радиактивдүү көмүр иши боюнча мурдагы Энергетика министри АСКАР ШАДИЕВДИ актады.
Ошто террорчулар менен байланышы бар, жашыруун иштеп жаткан басмакана аныкталып, 94 ТҮРДӨГҮ жасалма документтер табылды.
Жогорку Сот 15-ноябрда депутат Туратбек Мадылбековдун уулу ЭЛЬДАР МАДЫЛБЕКОВДУ үй камагына чыгарды.
14-ноябрда 99 жашында Кыргыз илимдер академиясынын академиги КУРМАН-ГАЛИ КАРАКЕЕВ дүйнөдөн кайтты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 524, 16-22-Ноябрь, 2012-ж