БООРУКЕРДИК

Алтынбек көчөдө баратса алдынан досу Марат чыгып:
– Алтынбек, күчүктү көтөрүп каякка баратасың?- деп сурайт.
– Сууга. Итибиз эки күчүк тууган болчу. Бирөөсүн багып алууну чечтик. А муну болсо сууга ыргытып жиберейин деп жатам.
Алтынбек досуна ушинтип айтат да, жолун улайт. Сууга жетип, күчүктү эми ыргытайын деп жатканда аркасынан «Алтынбек, токто! Күчүктү сууга ыргытпа!» деп кыйкырып досу жетип келет.
– Күчүктү ыргытпай эле койчу?! Андан көрө мага бер, багып алайын. Атам менен апам мага дайыма «жаныбарларды кыйнаба, өлтүрбө! Боорукер бала бол!» деп айтышат.
Досунун бул сөзү Алтынбекке катуу тийди көрүнөт, күчүктү досуна берип, башын жерге салып үйүн көздөй жөнөдү. Жолдо «экинчи мындай кадамга барбайм» деп өзүнө сөз берип келе жатты.
Балдар, силер да жаныбарларды сүйүүгө үйрөнгүлө. Аларга аяр мамиле жасоону эсиңерге түйгүлө!

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 526, 30-Ноябрь-6-Декабрь, 2012-ж