«АПА, МЕНИН ДА МЕКТЕПКЕ БАРГЫМ КЕЛЕТ...»
Кеңсеге Асипа аттуу айым баш багып, 7 жаштагы Тариел аттуу баланын аянычтуу тагдырын баяндады. 7 жашар бала жалпы коомчулуктун колдоосуна муктаж экендигин айтып, Тариел жана анын апасынын оор жашоосун гезит бетине жазуубузду өтүндү. Балага боору ооруп, жардам бергиси келген айымдын өтүнүчүн орундатууну туура көрдүк.
ЭНЕ ТИЛЕГИ
Тариелдин апасы 37 жаштагы НАСИПА ТЕЛЕБАЕВА Жалал-Абад облусунун Ала-Бука районуна караштуу Кашкалак айылында жашайт. Биз ага байланышканыбызда уулунун тагдыры тууралуу төмөнкүлөрдү айтып берди:
– Азыр уулум Тариел экөөбүз Кашкалак айылындагы бир тууган инимдин үйүндө чогуу жашайбыз. Мурда айыл өкмөттөн үй салууга жер сурасам, «күйөөгө тийип кетесиң» деп бербей коюшкан. Кийин турмушка чыктым. Тилекке каршы, уулум майып болуп төрөлдү. Тулку бою кадимки эле балдардыкындай болгону менен бутун кармасак эле ыйлай берчү. Чоңойгондо таманын жерге коюп басып кете алган жок. Аң-сезими башка балдардыкындай эле, бирок оюн толук билдирип жакшы сүйлөй албайт. Дарыгерлерге көрсөтсөк, ДЦП (балдардын церебралдык шал оорусу) деген диагноз чыгарышты. Ал ортодо жараткан башыма дагы бир сыноо салды. Күйөөм «оорукчан бала төрөдүң» деп бизди таштап кетти. Кудайга миң мертебе шүгүр, жолдошум жок болсо да, баламды апамдын, инимдин жардамы менен чоңойтуп келе жатам. Инимдин эки уулу бар. Быйыл Тариел менен тең баласы мектепке 1-класска барды. Күнүгө ал мектепке баратканда Тариел «мен да мектепке барайынчы, апа, окуюнчу...» деп ээрчип ыйласа карап тура албайм. Көзүмдөн жаш куюлуп, жүрөгүм миң тилинет. Эмне кыларымды билбейм, байкуш баламдын мүмкүнчүлүгү чектелип калганына зээним кейийт.
Сыналгыдан Тариелге окшогон балдарды бастыра турган адамды көрүп, дарегин таап, ага кат жаздык. Дарылоо көп акча турат экен. Балам экөөбүз анын 3 миң сом пенсиясына жашайбыз. Көп акчаны табууга кудуретим жетпейт. Иним бир-эки малы менен өзүнүн үй-бүлөсүнө бизди кошуп багып жатканына ыраазымын. Андан ашыкча тыйын сурагандан уялам. Баламдын буттарынын булчуң эттери, сөөктөрү ичкерип катып кала электе кечиктирбей дарыласам экен... Үйдөн өзү кирип чыга алгыдай кылып айыктырып алсам деген үмүт-тилек менен жашап келем...
«Жакшы тилек – жарым ырыс» деген сөз бар. Уулун дарылайын деген эненин тилеги орундалып, ага жардам бергиси келген колу ачык адамдар чыгарынан үмүт үзбөй туралы. Буюрса, бир күнү Тариелдин үйүндө да майрам болор.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
eger apasy banktan schet achyp, jarialap koisonor jakshy bolmok dep oiloim. Chet olkodo jurgon kyrgyzdar da jardam berishet dep oiloim, buirsa. Tariel tezden aigyp ketsin. Umutunordu uzbogulo.
Nancy,
Апасы менен байланышып атайын ачылган счету тууралуу маалымат ала алдык:
ОАО Айыл Банк
Тиллабаева Насибахон
р/с 13505220125
57956 БИК 35010
КР дог.номер 1961153
ООбо бул аябай окунучтуу нерсе эне учун айрыкча.Коп тукурсо кол болот дейт .Счет ачтырып аракет кылыш керек кеч боло электе .Алыста болсок да кыргызстандын балдары учун дайым жардам беребиз.
xsyfhf,
Апасы менен байланышып атайын ачылган счету тууралуу маалымат ала алдык:
ОАО Айыл Банк
Тиллабаева Насибахон
р/с 13505220125
57956 БИК 35010
КР дог.номер 1961153
Ассаламу алайкум. Насипа эжеге айтсаныздар банктан счет ачсын колубуздан келген жардамыбызды берели. Урматтуу окурмандар "Садага балеелерди тосот жана омурду узартат" Тариелден жардамыбызды аябайлы.
oilmg,
Апасы менен байланышып атайын ачылган счету тууралуу маалымат ала алдык:
ОАО Айыл Банк
Тиллабаева Насибахон
р/с 13505220125
57956 БИК 35010
КР дог.номер 1961153
счет ачып маалымдап койгула дартты берген дабасын да берсин!!!!!!!!!
счеть ачыныз мен россиядамын менин жанымдагылар да жардам беребиз деп жатышат.
менда москвадамын счет ачтырып кабар берип койгула,колумдан келишимче жардам берем.
жардамын аябагандар бар, айыгып кет Тариел!!!! Аллах айткан тилегине жеткирсин!!!
men_aman, manas1987, elzar0606
Апасы менен байланышып атайын ачылган счету тууралуу маалымат ала алдык:
ОАО Айыл Банк
Тиллабаева Насибахон
р/с 13505220125
57956 БИК 35010
КР дог.номер 1961153
