АЛТЫН КЕНИНЕ БАЙЛАНЫШТУУ ЧЫР ИЗИЛДЕНЕТ

Эсиңиздерде болсо, Баткен облусунун Лейлек районуна караштуу Катраң айылынын Өзгөрүш тоосундагы алтын кенине байланыштуу чыр-чатак чыккан эле. «Экология олуттуу зыяндарга учурады, майып балдар көбөйүүдө жана агын суулар булганып, жашыл арчалар жабыркаган» сыяктуу талаптар менен аталган айылдын эли нааразычылык акциясы менен чыгышкан. Нааразычылык билдиргендердин негизги талаптарынын бири дал ушул лицензияга байланыштуу. «Лицензияны ким берген, анын артында ким турат? Козу-Баглан дарыясы булганып, элдин ден соолугуна, келечекке олуттуу зыяндарды алып келет» деп митингге чыгышкандар 28-ноябрда Катраң айылында дагы топтолушту. Эл менен жолугушууга КРнын Өкмөтүнүн ыйгарым укуктуу өкүлүнүн орун басары Атамбек Ботоев, облустук ИИБдин башчысы Анарбай Алимбеков, облус прокурорунун орун басары Авазбек Бакыбеков барып, түшүндүрүү иштерин жүргүзүштү. Алтын кенине байланышкан чыр-чатакты токтотуу үчүн эки тараптуу келишимге келишти. Натыйжада бул ишти өкмөттүк деңгээлде комиссия түзүлүп, изилдене турган болду жана майып балдардын эмне себептен көбөйүп жаткандыгын текшерүү үчүн атайын медициналык комиссия түзүлдү.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

zzz---zzz

2012-12-10 12:42:29

Негизи алтын кени Козу-Баглан дарыясыга жакны жерден чыгат эгер алтындын калдыктары сууга тушсо Лейлектин эли Озгоруш,Катран,Коргон,Бешкент, Кулунду,Раззаков,Ак-арык жана Таджикстандын Согди областынын коп жерлери жабыр тартат ошондуктан

zzz---zzz

2012-12-10 12:43:56

кереги жок алтын казуунун

Комментарий калтыруу үчүн өз ысымыңыз менен кириңиз же каттоодон өтүңүз.

№ 527, 7-13-Декабрь, 2012-ж