БЫРЫШКА КАРШЫ КРЕМДИ КАНТИП ТАНДОО КЕРЕК?
Жаш тери өз алдынча бат калыпка келип калууга жөндөмдүү. Андыктан лифтинг каражаттарынын кереги деле жок. Бирок бырыштын алдын алуу үчүн косметиканын кереги бар. Косметика клеткаларды жакшы иштетип, теринин сыртын жылмакай кылып, көздүн сурмасын нымдандырат (бырыш дал ошол нымдын жетишсиздигинен түшөт).
20-30 жаштагылар нымдандыруучу каражаттарды тандаса болот. Анткени убакыттын өтүшү менен теринин нымды кармоо жөндөмдүүлүгү төмөндөп, тери серпилгичтигин жоготот. Тери кургак жана жука тартат.
35 жаштан кийин аялдарда ушул айтылгандар күтүлсө, анда бырышка каршы кремдерди тандоосу кажет. Лифтингдүү каражаттарды 30-40 жашта колдонбоо керек. Мындай кремдер көбүнчө 45-50 жаштан кийинкилерге ылайык.
СУРМАГА КРЕМ КОЮУ
Бырышка каршы крем же гель манжанын учу менен мурундан чыкыйды көздөй сүртүлөт. Жеңил кремди акырын сыйпоо менен жапса болот. Гелди жана коюу кремди манжанын учу менен сүртүү жетиштүү. Башкача айтканда, тери чоюлбашы кажет. Ар түнү жатар алдында сурмадагы боёкту жууп крем коюп туруу керек. Күндүн зыяндуу нуру, шамал көздүн айланасындагы терини кургатып жиберет. Андыктан көз айнек тагынууну, күндөн коргоочу кремди колдонууну унутпаңыз. Сурма 1 аптада бир жолу маска жасап кам көрүп турууну талап кыларын да эске алыңыз.
КРЕМДЕН ЭМНЕ ҮЧҮН БЫРЫШ ТОЛУК КЕТПЕЙТ?
Күчтүү кремдер да бырышты толук кетире албайт. Бирок алардын санын азайтып, андан ары бырыштын түшүшүнүн алдын алат. Кремдин таасирин массаж күчөтө алат. Эгер күнүгө 15 мүнөт бетке массаж жасалса, анда 2 аптада өзгөрүүнүн белгиси байкалып чыга келет. Анткени беттеги булчуңдар чыңдалат да, беттин контуру чыгып, өң сулуу тартып калат.
Канымжан Усупбекова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (3)
Эгер күнүгө 15 мүнөт бетке массаж жасалса, анда 2 аптада өзгөрүүнүн белгиси байкалып чыга келет. Бетке массаж жасоонун турлору, кандай ыкмада массаж жасатуу керек? Дагы, толугураак маалымат бере кетесиздерби кийинки чыгарылышыныздарда. Алдын ала чоон рахмат!
kanchalyk kymbat krem alsanar ozu ele byrysh tushpoi jasharyp kalat koja naprimer, channel kremi birok kymbatt bir alyp koisonor 6 aiga jetet, meniki alty aiga jetet anan eptep kaira krem alyp koiom, boteks saidyrsa bolot birok men saidyrgan emesmin
betke byrysh tushkondon kiyin emes murun aldyn aluu kerek. oshondo byrysh tushpoit jyirmadan kiyin ele uvlajnyayushyi kremderdi koyup bashtoo kerek. kungo chykkanda dayim solnysezashitnyi krem koyu kerek. byrysh tushup algandan kiyin any ketiruu tolko mif.
