«АТАМДЫ 16 ЖЫЛДАН КИЙИН ТАПТЫМ»
Баткендеги аймактык кеңсебизге баш баккан Жанара аттуу кыз: «Супер-Инфо» гезитин көп окуйм. Мага айрыкча таасир калтырганы – турмуштук окуялар камтылган макалалар. Мен дагы өз башымдан өткөн окуяны айткым келди. Эгер туура көрсөңүздөр, гезит бетине жарыялап койсоңуздар»,- деп кайрылды. Анда кепти Жанара өзү баштасын.
– Үй-бүлөдө эки агам, апам болуп жашайбыз. Биздин балалык күндөрүбүз апамды ээрчип ар кайсы батирде жашоо менен өттү. Апам кабагым-кашым дебей, өзү жебесе да бизге жедирип, өзү кийбесе да бизди кийиндирип, аталуудан артык бакты. Эл катарынан калтырбай, тапканын оозубузга кармап чоңойтту. Мен 3 жашымда апам менен атам ажырашып кетишкен экен. Атам жөнүндө сурасак, апам "чоңойгондо таап аласыңар. Ал жөнүндө менден сурабагыла. Ал да турмуш жолунан адашкан, өз бактысын учурган бир байкуш да" деп коёр эле.
Биздин үйдө сүрөтү да калбаган экен, атамды элестете алчу эмесмин. Кээде классташ кыздарымдын аталарын көрүп, атамды кыялданар элем. Агаларымдан атам тууралуу анда-санда сурап, алардан да оңдуу жооп алчу эмесмин. Атасыз күндөр өтүп, жашым 16га толгондо атам менен жолугуштум. Кантип дебейсизби? Атамдын жакын туугандары той кылып, апам мени эки агам менен жөнөткөн. Мен ошондо тойго эмес, атамды бир көргөнгө зар болуп, дегдеп бардым. Чоң атам баш болуп, бизди көз жаш аралаш чоң кубаныч менен тосуп алышты. Ал турсун "апаңарды да ала келсеңер болмок" деп кайра-кайра сурап да калышты. Ошондо кулагыма эч нерсе кирбей, көпчүлүктүн арасынан атамды издеп жаттым.
Бир мезгилде "келатат, келатат" деп калышты. "Азыр эле атамды көрсөм, чуркап барып мойнуна асылам" деген оюмдун заматта быт-чыты чыкты. Алдымдан тамтаңдай басып, кир көйнөгүнүн жакасы жагжайган, аракка ууланган адамды көрдүм. Жок, бул менин кыялымдагы атама таптакыр окшош эмес болчу. Көңүлүм айный түштү. Бирок, аттиң, ал менин атам экен…
Тиктеп туруп артка качкым келди. Тойго да карабай үйгө баса бердим. Келе жатып ал адамды ичимден актагым да келди. Балким, күйүттөндүр дедим. Апамдан ошондон кийин эч нерсе сурай албадым. Атамды көрсөм деп бекер дегдегем экем. Азыр 20 жаштамын, турмушка чыгып, аркы-беркини түшүнүп калгандай деле болдум. Бирок дагы деле атамды кечире албай келем.
Жанара
Бегайым Тажибай кызы
batken@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
Seni ayap kettim,oto jaman abalda kalsan kerek.Birok al senin atan ekenin unutpa)
Kurbanalieva1991 туура айтасын карындашым.жаман десек бизге жакшыны эч ким бербейт.жакшы кылыш бизден.мен да атамды бир корсом деген умут менен жашап келем
Бул да болсо турмуштун сыноосудур. Бирок апаныз айкол жана амалдуу чыныгы аялдык сапаты бар адам экен. Ал эми атанызга келсек ага чын ыкластан жардам бериниз. Ал адамда туура жолго тушоор.
windows.kg,атанды кечиришин керек Жанара себеби кандай болгон тагдырда да сенин атанда алда турмуштан адашкандыр байкуш.
мин алкаш болгондо да ал сенин атан бироо жакшы атсын бермек беле демек ага жардам беришин керек,азыр ичкичтерди даарылоо мумкун го...балким ал силерди сагынып барышка батына албай ичип кеткендир
кечиримдуу бол демекчимин.
Салам Жанара. Мен сага айтаарым атанды кечир. Ар бир адам баласы бул жашоодо адашат. Кечиримдуу болуш керек. Мумкун атанды кечирип жардам берсен, ал ичкиликти таштаар. Кантип эле эч кандай чарасы болбосун. Кантсе дагы ал сенин атан.
кечиримдуу бол баарынан да кечир деп гана айтамын сага
кечиримдуу бол кантседа ал сенин атанда
кызыксыз го аракечтик да оруу да! анан аракеч деп чаначынарбы?
кечиримдуу жана сабырдуу бол. Кеч болсо да кечирип кой
Менин башымдан да бул окуя откон,бирок экообуздун айырмабыз мен атамдын ичкич экенин билчумун.Чон атамдар тарапка 22жашымда бардым.Откоол курагымда мен да атамды жаман корчумун,коргум келбейт эле.Эми уй було кутуп жашоодо эркектерге да кыйын болоорун билдим.Уй було жугу алардын мойнунда болгон учун кээде алар деле алсыз болушат.Атанды кечир деп айтмакчымын.
Атан менен бир суйлошуп кор балким айтып береер эмне себептен ошондой акыбалга тушконун.
Албетте атанды кечиресин,ал сенин милдетин.Ата-эне ыраазы,кудай ыраазы дейт эмеспи,андыктан дааралатып,карап атанды уй-булоо катарына кошуп,ыраазычылыгын ал.Бир туугандарын менен,апан менен кенеш.
ушундай атанын барынан жогу.
жаман десен.жакшы атаны сага эч ким бербейт карындашым.кечиримдуу бол.
Алланын сыноосудур.Менда атамды корсом деймин 18жыл болду,анда мен 5 класста окуйт элем.Дайынын билсем издеп барат элем.Корсом деп арман кылам!
