Ызгаар суукта жылуу төшөктө, ата-эне мээримине бөлөнүп, эркелеп өскөн балдар үчүн Жаңы жыл майрамы кадимкидей өтүшү мүмкүн. Анткени алардын каалоо-тилектерин, көксөгөн белектерин Аяз атанын атынан алдын ала камдап койгон ата-энеси бар. А бирок ата-эне мээримине муктаж болуп, жаштайынан жетим өскөн балдар үчүнчү?! Көөдөнүндө өксүк менен жашап келаткан балдардын маанайын аз да болсо көтөрүү максатында «Супер-Инфо» гезити Бишкектин Жал кичи районунда жайгашкан Балдарды социалдык жактан адаптациялоо борборуна барып, майрамдык маанай тартуулап кайттык. Жөн эле барып белектерди тапшырып гана тим болбой, «2012-жылдын супер ырчы мырзасы» Нурлан Насип, таланттуу ырчы Аваз Акимов, «2012-жылдын супер күлкү жаратуучусу» Самат Эркинбек уулу «Ак-Өргө City» командасы менен жана М.Жангазиев атындагы Кыргыз мамлекеттик куурчак театры болуп чакан концерт тартууладык.
КАРООСУЗ КАЛГАН БАЛДАР... Балдарды социалдык жактан адаптациялоо борбору 2000-жылдан бери иштеп келет. Ал жакка турмуштан запкы көргөн, кароосуз калган, ата-энесинен айрылып, тагдыр сыноосуна кабылган 4 жаштан 18 жашка чейинки балдар барып, түнөк таап жүрүшөт. Борбордун директору Мукарам Атамырзаева: «Жаңы келгенде балдардын абалы өтө начар болчу, өзгөчө психологиялык жактан жабыр тартышкан экен. Азыр өзүңөр көрүп тургандай, эл алдына чыгып, ыр айтып, бийлегенге жарап калышты. Мурун бирөө менен сүйлөшмөк тургай, тагдырдын запкысына эрте кабылгандыктанбы, аябай түнт, тартынчаак болушчу. Борбор жалпысынан 70 балага чакталган, азырынча 65 бала жашайт»,- деп билдирди.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
altinim
2012-12-24 14:07:37
супер силерден Кудай ыраазы болсун! Ишинерге ийгилик силер менен дайыма сыймыктанабыз.
0
Kurbanalieva1991
2012-12-24 19:14:30
Силерди кудай озу колдосун супер инфо.
0
merim
2012-12-26 05:35:26
СУпер инфо,ар дайым Аллаа ыраазы болсун!
0
rozka
2012-12-26 10:22:59
Рахмат супер инфо сиздердин ишиниздерге ийгилик баарыныздарга ден соолук
0
melek
2012-12-26 20:55:38
Кудайым силерге ыраазы болсун. Супер-инфо жааматына рахмат. Мен да озумду бактылуу сезип турмуштун кыйынчылыктарын бир канча мунотко унуткандай болдум
0
Roha_aium
2012-12-27 20:12:08
Азаматсынар Супер инфо ак жол сизгерге ийгилик бар болгула!
0
Q.b.a
2012-12-28 09:58:17
Азаматсынар! Балдарды унутпай, белек тартуулап, жаны жылдык маанайларын которгунунор учун!
0
Комментарий калтыруу үчүн өз ысымыңыз менен кириңиз же каттоодон өтүңүз.
