ГҮЛНУР САТЫЛГАНОВАДАН ЖАҢЫ КЛИП

КРнын Эл артисти Гүлнур Сатылганова «Нандын жыты» деп аталган чыгармасына клип тартып, күйөрмандарына тартуулады. Аталган клиптин жана репертуарындагы 38 жалаң хит ырлардан турган ыр жыйнактын бет ачары 13-декабрда борбор калаабыздагы ресторандардын биринде жандуу үн менен коштолгон чай концертте болуп өткөн.
«Бул ырдын сөзүн Муса Жангазиев жазган, ал эми обонун жаратып, клипти тарткан режиссёр Эрнест Абдыжапаров. Бир ай алдын ала камданып, үч күн ичинде тартылып бүттү. Клиптин сюжети, идеясы, тандалган актёрлору, дегеле сапаты өзүмө абдан жакты. Клипке белгилүү актёр Дүйшөн Байдөбөтов, Гүлайым Каниметова, Динара Абдыкадырова тартылышкан. Негизи, буудай бышып, талаалар алтын түскө боёлуп турган кезде тартайын деген оюм бар болчу. Бирок ал кезде шартын келтире албадым, андыктан клипти студияда, боз үйдүн ичинде тартууга туура келди. Клиптин негизги сюжети нан тууралуу. Адам баласынын өмүрү уланып келатканы нанга байланыштуу экени, нандын ыйыктыгы чагылдырылат»,- дейт Гүлнур Сатылганова. Анан да Жаңы жылдан кийин апрель айында өтүүчү чоң концертине камдана баштаарын кошумчалай кетти ырчы.

Кыстарылган видео

Нандын жыты

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

maksimus

2012-12-24 09:59:55

Супер клип 2013. Болбосо анда такыр туура эмес.

Jonaruk

2012-12-24 15:45:48

Абдан сонун болуптур. Гулнур эженин ырлары просто супер.

Kurbanalieva1991

2012-12-24 19:10:19

Бардык ырлары жагат,уккулуктуу.

kanukei

2012-12-24 19:39:39

Клип жакшы бирок ачык тустогу койнок кийсе мыкты болмок.

Alima96

2012-12-24 20:52:13

Клипти коро албай жатамго(((

konya

2012-12-25 14:07:11

бетиндеги тату Тайсондуку эмеспи?

best-life

2012-12-27 22:27:23

элдер мен тушунгон жокмун клипке((( бирок Гулнур эже сизге соз жок, кандай ыр болбосун, любой ырдын "отун" аласыз да.Унунуз ун!!!

mahabat.

2012-12-28 05:40:40

куттуктайм

fayzi

2012-12-29 16:36:16

хаи нариниии хэ хариней дэп заманбап кылып ырдаптырго Гулнур эжэбиз.

zoro21

2013-01-06 08:15:14

эженин ырларын унун баалайм,бирок ....адаттарын журум турумун баалабайм.

Комментарий калтыруу үчүн өз ысымыңыз менен кириңиз же каттоодон өтүңүз.

№ 529, 21-27-Декабрь, 2012-ж