ЫЗГААР КЫШТА БИШКЕКТЕ 7 ҮЙДҮ СУУ КАПТАДЫ

15-декабрь күнү Ала-Арча дарыясынын Бишкектин Рыскулов көчөсүндөгү көпүрөсүндө муз тоңуп калып, анын кесепетинен суу нугунан ашып, 7 үйдү каптаган. Жабыр тарткан үй тургундары карылар үйүнө жеткирилгенин 18-декабрда шаардык мэриянын басма сөз кызматы маалымдады.
Ала-Арча дарыясынын боюнда жашаган жергиликтүү жашоочулар, милиция жана Өзгөчө кырдаалдар министрлигинин кызматкерлери биргеликте суунун жээгине дамба коюшту. Мэриядан белгилешкендей, Ала-Арча жана Аламүдүн дарыясы күнү-түнү көзөмөлгө алынып турмакчы.
«Үйлөрдүн суу алдында калып кетүүсүнө жашоочулар өздөрү күнөөлүү»,- деди Биринчи Май районунун акими Аскарбек Алиев. Анын айтымында, үй ээлери эч кандай коопсуздукту сактабай эле суунун жээгине өз билемдик менен үй салып алышкан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Knt

2012-12-24 14:28:41

ahahah kaira ele el kunooluu))

Kurbanalieva1991

2012-12-24 19:52:11

Кырсык да,айттырбай келген

Комментарий калтыруу үчүн өз ысымыңыз менен кириңиз же каттоодон өтүңүз.

№ 529, 21-27-Декабрь, 2012-ж