Мирлан Баеков: «КЫЗЫЛ ӨРҮКТҮН» АВТОРУ ӨЗҮН ПИАР КЫЛУУДА»
Өткөн саныбызда «Кызыл өрүк» ырынын автору Мирлан Алыкулов бизге кайрылып, ырчы Мирлан Баековду сотко бергенин айткан эле. Бул иштин чоо-жайын билүү үчүн «Кызыл өрүк» ырын популярдуу кылган Мирлан Баековдун да бул тууралуу оюн угуп көрдүк.
– Салам, Мирлан, сенин аткарууңдагы «Кызыл өрүк» ырынын автору Мирлан Алыкулов сени сотко бергенин айтты эле... – Мен Мирлан Алыкуловду 8 жылдан бери жакшы билем. Кафеде иштеп жүргөндө таанышып калганбыз. Анын бул жоругун өзүнө пиар кылып жаткандай түшүндүм. Өзүн пиарлоонун башка жолдору деле бар да, сөзсүз бирөөнүн атын булгап жарнама жасаш керекпи? Аны илгертен билгендиктен, мындай жосунсуз ишине таң калган деле жокмун. Айылда жүргөндө көк Жигулисинин капталына «концерт», афишаларына, майда баракчаларга «Кызыл өрүктүн» автору» деп жазып алып айылды кыдырып концерт берчү. Ушундан эле байкаса болот, анын пиарды жакшы көрөрүн. Ал мени сотко бердим деп жатат, бирок ал бере албайт, берсе анда көрө жатарбыз. «Кызыл өрүктүн» куплеттерин өзгөртүп алды» дептир. Оригиналында мындай болчу: «Кызыл өрүк сыңарындай, Рыспайдын ырларындай. Жүрөгүмдү ээлеп алдың, Өрүк комуз кылдарындай...» Эми ойлоп көрсөңөр, кызыл өрүктүн Рыспайдын ырларына кандай тиешеси бар? Ушундай чаржайыт саптары көп болгондуктан, кайырмасын эле калтырып, куплеттерин өзгөрткөм. Анан ырын мага көрсөткөндө обону азыркы «Кызыл өрүктүкүнөн» башкачараак болчу, алгач мага өзү ырдап бергенде «бул жерин мындай кылып ырдасаң» деп үйрөткөм. Кийин ошондой ырдап баштаган. Өзүм шаңдуу той ырларына жакынмын, стилге болгон табитим башка экен, ыңгайына жараша ырдап чыктым да.
– Анда «Кызыл өрүктү» чогуу жаратыпсыңар да? – Обону меники деп да, аныкы деп да айталбайм.
– «Кызыл өрүк» ырын патенттеп алгандан кийин сенин аткарууңдагы бул ырды радиолордон алдырдым деп жатат... – Азыр радиолордон кетип эле жатат. Эми эле патенттеп алып кыйын болуп жатат, а мен бул ырга тиешелүү документтерди ага чейин эле чогултуп койгом. Бул ыр Мирлан Алыкуловдун эмес, менин аткаруумда популярдуу болду, ошону эске алса жакшы болмок. Казакчасын ырдаган Акылбек Жеменей деле менин аткаруумдагы «Кызыл өрүктү» угуп жактырып, анан казакча ырдап чыккан. Мирлан Алыкулов менин минусовкам менен «Кызыл өрүктү» ырдап, жадакалса клип тарттырып алыптыр. Мен деле сотко берсем болот да анда. Талантың болсо эч ким токтото албайт, «Кызыл өрүктөн» башка деле популярдуу ырларым көп. Бул ыр багымды ачпаса, башка ырдан ачылмак.
– Казак ырчысы Акылбек Жеменейден «өзүм жооп берем» деп 500 доллар алганың чынбы? – Жок, 500 доллар алган эмесмин. Чыгармачылыкта, талантта чек болбойт эмеспи, казактар биздин ырларды, биз алардын ырларын ырдап эле жүрөбүз, анын эмнеси бар экен? Мирлан бул жоругу менен казак-кыргыз достугуна доо кетирип, уят кылып жатат. Кыргыздарды уят кылып Акылбек Жеменейден акча талап кылбасын деген максатта эле «мен андан 500 доллар алдым» деген шылтоо айтып койгон болчумун. Эми минтип жалпы журтка жар салып, мени «500 доллар алды» деп жаманатты кылып жатканы кейитпей койбойт. Эркекче эле жүрсө болмок.
Мирлан Баеков: "Кызыл өрүктүн автору өзүн пиар кылууда"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
AtankulovaB
2012-12-31 11:41:18
Мирлан Баеков биз, эл сиз мененбиз пиар кылгысы келгендер пиар кылыша берсин. Озунуз айткандай Кызыл орук болбосо, башка ырларыныз менен таанылмаксыз. Талантынызга таазим!
0
N.Bakazova
2012-12-31 16:57:56
Алыкуловдун урунаарга тоо таппай, урушаарга жоо таппай жаткан учуру окшойт. . . Жанылбас жаак болбойт дегендей, Алыкулов да жанылыштык кылды окшойт. Анын деле аздыр -коптур таланты бар, . Болгону пиар кылууда ката кетирет экен.
0
N.Bakazova
2012-12-31 17:01:22
Мирлан Баеков, сизди ар дайым бактылуулук курчасын, Кудайым жолунузду шыдыр кылсын, журогунуздон ыйман, жузунуздон жылмаю арылбасын.. .
0
akbari
2012-12-31 21:47:48
Oi alykulov baary butup siz kaldynyzby Ba9kov aitkandai erkek4e ele jurboisuzbu
0
Jinn.
2013-01-01 23:45:26
Кызыл өрүктү "кызыл өрүк" кылып "бышырган" Мирлан Баеков да! Баеков болбогондо көмүскөдө эле жатмак чаң басып... Алыкулов,көрүнгөң бузукулардын сөзүнө кирип,сот-моту жок эле аке-жаке деп эле бүтүрсөңөрчү... Андан пайда жок! Убакты-саатың,нервиң кетет,адвокатка акчаң кетип,чөнтөгүң жукарат. Сотко берсең Баеков дел
0
Jinn.
2013-01-01 23:49:10
деле оозун ачып отурбайт да чынбы? Андан көрө экөөң тең ошондой нерселерге алтындай убактыңарды,акчаңарды коротпой чыгармачылыгыңарга жумшагыла деп кеңешимди берип кетем.
0
bek007
2013-01-02 15:37:47
Mirlan baike kyzyl oruktu berip ele koiunuz kalgan yrlarynyz dagy sizdi suiup talantynyzdy taanyp, syilaganda jetiwtuu! iygilik sizge!
0
Karagulov90
2013-01-02 17:21:31
ooba da e erkek bolgondon kiin erkek4e juruw kerek da
0
tagai86
2013-01-02 22:08:49
мирландын ал еле ыры эмес баардык ырлары уккулукту ошондой эле уну аргиналду болуп жатпайбы!айткандар айта берет мирлан алга!!!токтогулдун кулунуда серовно!
0
zoro21
2013-01-02 23:30:16
Мирлан сенин ырынды радиодон коп угабыз.берки чилиш не втему ырдап журо берсин.делай только перед.Токтогул поет.КР.
0
askar92
2013-01-03 23:15:48
алга баеков байке баары сонун
0
Afina
2013-01-05 20:06:38
ырды радиолордон алдырган менен, ал ыр эпак эле элге синип кеткекн!!! Жанылыштык кылып жатасын М. алыкулов! Эртенкинди ойлоп иш кылсан болмок!!! Эртен деле ыр жазасын дегендей,,,,,,,, бул жоругунду коргондон кийин ыр жазсан бир ырчы ырдайбы?!
0
admin_media
2013-01-07 11:04:53
maya666,
Сайтка курамы окшош сайттарды жарнама кылууга жол берилбейт!
30 күнгө бан!
0
Комментарий калтыруу үчүн өз ысымыңыз менен кириңиз же каттоодон өтүңүз.
