КЫРГЫЗСТАН ШЕРИКТЕШТИК КУБОГУНА АТТАНДЫ
15-январда футбол боюнча Кыргызстандын жаштар курама командасы бишкектик «Дордой» футболдук клубу менен беттешип, 1:1 эсебинде тең чыкты. Бул оюн Шериктештик кубогуна аттанып жаткан жаштар курама командабыздын акыркы даярдыгы болду.
Билсеңиз, 12 өлкөнүн 21 жашка чейинки жаштар курама командалары Шериктештик кубогу үчүн 18-январда Санкт-Петербургда чогулат. Кыргызстан Казакстан, Орусия жана Өзбекстан курама командалары менен «В» тайпасына туш келген. Мекендештерибиз 18-январда Казакстан менен, 20-январда Орусия менен, ал эми 21-январда Өзбекстан менен ойнойт. Футболчуларыбыздан жеңиш болбосо да, татыктуу оюн күтмөкчүбүз.
КҮРӨШ
13-январда Красноярск шаарында Дмитрий Миндиашвили атындагы күрөш академиясынын баш байгеси үчүн күрөш боюнча Эл аралык мелдеш аяктады. Ага саналуу өлкөлөрдөн 300дөн ашуун балбан чакырылып, кыз-келиндер жана уландар эркин күрөш стилинде күч сынашышты. Мекендештерибизден супер оор салмак категориясында Айаал Лазарев чемпиондук наам менен кайтты.
КИЧИ ФУТБОЛ
11-январда кичи футбол боюнча Казакстандын Ачык чемпиондугуна катышып жаткан «Дордой» (Кыргызстан) Бишкекте аталган мелдештин 10-турунун алкагында казакстандык «Кайратты» кабыл алды. Оюн өтө курч болуп, беттеш 1:7 эсебинде коноктордун жеңиши менен аяктады.
ТАЭКВОНДО
Жакында кыргызстандык таэквондочулар Алматыда таэквондонун ITF версиясы боюнча Казакстандын чемпиондугунда 6 алтын медаль утушту. Эскерте кетсек, Кыргызстандын желеги астында 28 спортчу аттанган.
Максат Кудайбердиев
Адилет Бектуров
sport@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (3)
мына сага сенсация!
СНГ кубогунда биздин азаматтар Россия жана Озбекстан менен ничья ойношту! Бизде да кичине болсо да алдыга умтулуу бардай, умут ойгонгондой..!
Достойный катыштык биз да!
kazaktarga utturup koiduk ta 3-1,uzb 2-2,rus 0-0
