Папараццичилер Орусия примадоннасы Алла Пугачёванын небереси, 21 жаштагы Никита Пресняковдун Казакстанда кайсы бир бийкеч менен эс алып жүргөнүн сүрөткө тартып алышкан. Бул маалымат коомчулукка тарап, тынымсыз берилген суроолордон тажаганбы, Кристина Орбакайте журналисттерге маалымат жыйын өткөрдү. «Ооба, Никита жакында үйлөнөт. Анын сүйлөшкөн кызы Аида казакстандык, жашы 21де. Экөөнүн сүйлөшкөнүнө эки жыл болду. Биз менен да таанышкан. Эми жакын арада баламдын үйлөнүү тоюна күбө болосуңар»,- дейт ырчы.