ЖОЛ КЫРСЫГЫНАН УЛАМ АДАМ КАЗА БОЛДУ

Талас ОИИБнин басма сөз кызматынын ага инспектору Максат Абдысеитов билдиргендей, 2013-жылдын 12-январь түнү саат 00:30 чамасында Талас-Тараз-Суусамыр унаа жолунун 125-чакырымынан Талас районунун Көк-Кашат айылынын тургундары Эмилбек Райымбековду жана Марат Сураповду белгисиз автоунаа койдуруп, айдоочу окуя болгон жерден качып кеткен. Натыйжада оор жаракат алган эки атуул Талас облустук биргелешкен ооруканага келип түшкөн. Жандандыруу бөлүмүндө денесиндеги оор жаракаттардан улам 24 жаштагы Марат Сурапов каза болгон. Бул жол кырсыгы боюнча Талас РИИБнин өздүк курамынын ыкчам иш алып баруусунун негизинде Талас районунун Көпүрө-Базар айылынын тургуну Кадырбек Апышев кармалып, өзүнө таандык болгон Ауди-80 үлгүсүндөгү автоунаасы менен сүзүп кеткендиги аныкталган. Учурда бул иш тергелүүдө.

Нургүл Чабдарова
talas@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

aik-mili

2013-02-11 02:02:23

акырын айдагылачы аябай шашсанар самалет ал да айда каалашынча любой жака

Комментарий калтыруу үчүн өз ысымыңыз менен кириңиз же каттоодон өтүңүз.

№ 533, 18-24-январь, 2013-ж