ТАМАНДАГЫ ЧОР КАЙСЫ ООРУДАН КАБАР БЕРЕТ?

Буттун таманында биологиялык активдүү чекиттер жайгашкан. Ал чекиттерге таасир этүү менен ички органдардын иштөөсүн жакшыртууга болот. Ошол эле кезде чыгыш медицинасы боюнча алып карасак, таман ички органдардын оорусунан кабар бере алат. Тактап айтканда, чорлор тигил же бул оорунун белгиси.

1. Тамандын сырткы кырындагы чорлор омурткада оорунун бар экендигинен же пайда болуп жаткандыгынан кабар берет.
2. Таманды айлана жайгашкан чорлор муундарда маселенин бар экендигин кабарлайт.
3. Манжалар алдындагы чорлор ичегиде оорунун пайда болгондугун айгинелейт.
4. Оң буттун чыпалагынын алдындагы теринин калыңдап, одуракай тартышы – боордо оорунун бар же пайда болуп жаткандыгынын белгиси.
5. Сол буттун чыпалагынын алдындагы теринин одуракай болуп, калыңдашы жүрөктүн иштешинде өзгөрүүлөрдүн бар экендигин билдирет.
6. Бармактын алдындагы тери кургак тартып, чор пайда болсо, нервдик чыңалуулар көп жана А, В витаминдери жетишсиз деп түшүнсөңүз болот. Мындан тышкары адамга күч-кубат берүүчү калориялуу тамактарды кабыл алууну унутпоо керек.
7. Баш бармактын чет терилеринин одуракай болуп кургашы калкан сымал бездин жакшы иштебегендигин кабарлайт.
8. Тамандын жалпы терисинин одуракай тартып калганы – организмдеги зат алмашуунун бузулушунун далили. Мүмкүн, дисбактериоз же ички бездерде өнөкөт оору бар.

Канымжан Усупбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Nur_meerim

2013-01-28 16:12:05

Согончоктогу чорчу? Ал жазылбаптыр го?

asyl85

2013-01-29 00:07:09

согончоктогу чор буттун кирдегенин билдирет

askar92

2013-01-29 20:52:36

ха ха бутунарды таза жууп жургуло

kilim

2013-01-29 22:22:51

1чичи туура келет екен

Asyl_Kg

2013-01-31 12:49:17

Согончоктогу бул бойроктун сезгенишинен

chachul

2013-02-01 22:34:22

чындан элеби? согончоктогу бойроктонбу?

zzz---zzz

2013-02-02 18:52:47

Ал эми тизенин арты жагы кышыл ашыка чейин сыздатып, жэ талып кала турган болсо эмне кылыш керек. Себеби мен 30-мунот Баскетбол, Валейбол,Футбол ойносом ошентип талып калат. Ошол тууралуу маалымат берип койгулачы алдын ала чон рахмат.

tilekbek

2013-02-02 21:29:46

мындай нерселерге ким кенеш берип жатат профессорлорбу

Neizvestnaya

2013-06-14 16:10:55

Баарынанда таза жууп журсон еч нерсе болбойт

Комментарий калтыруу үчүн өз ысымыңыз менен кириңиз же каттоодон өтүңүз.

№ 534, 25-31-январь, 2013-ж