БАТКЕН ШААРЫНЫН МЭРИ ШАЙЛАНБАЙ КАЛДЫ

Эки турга созулган бул депутаттардын тандоосунда «Бүтүн Кыргызстан» партиясынан талапкерлиги коюлган Сейдакмат Эрматов, «Ата Мекен» партиясынан көрсөтүлгөн Гапар Матказыев жана «Замандаш» партиясынын сунушу менен катталган Мамыр Рахимов шайлоонун 1-турунда жетиштүү добушту ала алышкан эмес.
Шайлоонун 2-туруна көп добушка ээ болушкан «Ата Мекенден» Гапар Матказыев жана «Замандаш» партиясынан Мамыр Рахимов катышышты. 2-турга катышкан «Замандаш» партиясынын талапкери Мамыр Рахимовго 15 депутат, «Ата Мекен» партиясынан сунушталган Гапар Матказыевге 9 депутат добуш беришип, натыйжада экөө тең керектүү добуш топтой алышпагандыктан, шайлоо дагы 15 күндөн кийин башка талапкерлердин катышуусу менен өтмөй болду.
Ал эми Кызыл-Кыя шаарынын мэри болуп Хабибулла Халмурзаев кайрадан шайланды. Хабибулла мырза буга чейин да шаардын мэри болуп турган. Баткен облусунун 3-шаары Сүлүктүдө мэрликти «Бүтүн Кыргызстандын» талапкери Закир Ибрагимов жеңип алды.

Бегайым Тажибай кызы
batken@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

aote

2013-02-04 15:39:27

Баткендин Мэриясын имаратынан Исфананыкы анча жакшы

ruslan_92kg

2013-02-05 00:10:06

Хабибулла Халмурзаев кыргызбы

azamat85

2013-02-16 16:28:19

ruslan_92kg,кыргыз, бирок аябай начар киши

Комментарий калтыруу үчүн өз ысымыңыз менен кириңиз же каттоодон өтүңүз.

№ 535, 1-7-февраль, 2013-ж