БИШКЕКТИН КАЛКЫ 2025-ЖЫЛЫ 1,2 МИЛЛИОНГО, АЯНТЫ 25,8 МИҢ ГЕКТАРГА ЖЕТЕТ

Бишкек башкы архитектура мекемесинде өткөн жыйындын жүрүшүндө борбор калааны 2025-жылга чейин өнүктүрүүнүн башкы планы иштелип чыккандыгы белгилүү болду.
Аталган мекеменин бөлүм башчысы Жыргалбек Асаналиев: «1999-жылы Бишкек шаарынын аймагын жана курулуштарын 2025-жылга чейин өнүктүрүүнүн башкы планын иштеп чыгуу чечими кабыл алынып, ал 2006-жылы иштелип чыккан. Башкы план үч этап менен ишке ашырылган. Аны биротоло бүттү деп эсептөөгө болбойт, азыр да улантылып жатат, мындан ары да айрым оңдоп-түзөөлөр киргизиле бермекчи»,- дейт.
Адистин айтымында, ушул тапта ордо калаанын аянты 16,5 миң гектар аянтты ээлейт. 2025-жылга чейин анын жалпы аянты 25,8 миң гектарга чейин кеңеймекчи. Шаар Сокулук районундагы Новопавловка жана Аламүдүн районундагы Лебединовка айылына чейин өсөт. Алдын ала иликтөөлөр жүргүзүлүп, анда 2025-жылы Бишкектин калкы 1 миллион 200 миң адамды түзүүгө тийиш. Ал эми күнүмдүк келип-кеткендерди эске алганда, 1 миллион 500 миң адамдан ашары белгиленген.

Кубаныч Сыдыков
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

nargiza89

2013-02-22 14:47:56

Чондорубуз аман болсо эле болду ага чейин дагын которулуш которот го элибиз

Tursunbaev

2013-02-24 01:21:05

Поживем увидимь что?как?почему?

chikago

2013-04-08 07:30:00

Буйурса деп суйлогулочу, ким билет нукура кыргыздар кобойобу же башка улуттун ээлери келип кобойтушобу экен?

Комментарий калтыруу үчүн өз ысымыңыз менен кириңиз же каттоодон өтүңүз.

№ 537, 15-21-февраль, 2013-ж