Куудул Абдылда Иманкулов 3-мартта эр ортону 50 жашты багынтканы турат. Учурда жакындарын, чыгармачылыктагы кесиптештерин чогултуп, борборубуздагы ресторандардын биринде той өткөрөм деп камынып жүргөн чагы. Анан да 30 жылдан бери сахнада элине кызмат кылып келатыптыр. Мындай кош мааракени эли менен да бөлүшкүсү келген Абдылда мырза 2-3-мартта Бишкекте, андан соң облус аймактарын түрө кыдырып, күйөрмандарына концерт бергенге камынууда.