АТАМБАЕВ ӨМҮРКУЛОВДУ СЫНГА АЛДЫ

Президент Алмазбек Атамбаев Бишкектин мэри Иса Өмүркуловду мугалимдердин айлык акысын өз убагында бербегендиги үчүн сынга алды. «Шаардын бардык мугалимдери айлык акысын алгандан кийин гана Бишкек шаарынын райондук администрацияларынын жана мэриясынын кызматкерлери айлык акысын алышы керек деп эсептейм»,- деп баса белгиленет мамлекет башчысынын тапшырмасында.
Казына берген маалыматка караганда, шаардын мугалимдерине декабрь айынын айлык акысын төлөө үстүбүздөгү жылдын 21-январына чейин созулган. Ал эми Бишкек шаарынын райондук администрациялары, мэрия айлык акыларын өз убагында толук алышкан.
Эске салсак, 2011-жылы мугалимдердин эмгек акысын төлөөнүн жаңы системи киргизилген. Бирок өлкө башчысы белгилегендей, систем борбор шаарда дээрлик иштебей калган. Ушуга байланыштуу президент Бишкектин мэрине «шаардык бюджеттин чыгымдоо бөлүгүнүн приоритеттүү багыттарын кечиктирбестен аныктап, ага мугалимдердин айлык акысын өз убагында финансылоо маселеси киргизилсин, мугалимдердин айлык акысын төлөө маселеси жеке көзөмөлүңүзгө алынсын» деген тапшырма берди. Мэр Иса Өмүркулов март айынан тартып алгач мугалимдер менен саламаттыкты сактоо кызматкерлерине айлык акы берилип, кийин гана чиновниктер өз маянасын алышарын маалымдады.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

kg_07

2013-02-26 21:57:36

surotun ukmuw jazap koigon go

aigulai

2013-02-28 09:51:05

Кыргызстан боюнча мугалимдер айлыкты кийинки айдын он бешине барып алышат, анда баарын бир сынданыз урматтуу президент

TolonturCN

2013-02-28 10:18:28

Майда чүйдө нереселеди коюп конкиреттүү иштегилечи.

KR-777

2013-03-01 10:14:42

Эн туура кылган, керек болсо Исаны алып салыш керек, ошол туура болот

narunduk

2013-03-01 13:51:02

президент эки жакка тартпай ачык туура иштеп жатканынын белгиси бул.

айс

2013-03-03 10:53:27

эх Иса мырза!!! озунуз эле отставкага беринизчи,кеч болуп кала элегинде!

Комментарий калтыруу үчүн өз ысымыңыз менен кириңиз же каттоодон өтүңүз.

№ 538, 22-28-февраль, 2013-ж