А.Жээнбеков:«ДИНИЙ ЧӨЙРӨГӨ МАМЛЕКЕТ КИЙЛИГИШПЕГЕНИ ҮЧҮН СЕКТАЛАР КӨБӨЙДҮ»

Мындай пикирин Жогорку Кеңештин төрагасы Асылбек Жээнбеков билдирди. «Коомдун жүрүм-туруму мамлекеттеги диний шартка ылайык өзгөрүп жатат. Конституциянын 7-беренесине ылайык, дин мамлекеттен ажыратылган. Бирок «диний чөйрөгө мамлекет кийлигишпеши керек» деген саясаттын айынан өлкөдө ар кандай секталар, динди жамынып алып экстремисттик багытка умтулгандар көбөйдү. Көпчүлүк жаштар буга азгырылып кетишүүдө. Ал эми Диний башкармалык бул багытты так тескей албай жатат»,- деди спикер.
Муфтий Рахматулла ажы Эгембердиев спикердин тынчсыздануусун бөлүшпөйт. Анын айтымында, Кыргызстанда имамдар илимдүү болгондуктан, дин тармагы өз нугунда уланууда жана өлкөдөгү диний абал да жаман эмес.
«Дин мамлекеттен ажыратылган» деген жооп менен бизге колдоо көрсөтүлбөсө да, мечиттер менен имамдарды өзүбүз каржылап келе жатабыз. Маселен, Тажикстанда Ислам университетин мамлекет каржылайт. Ал эми бизде андай колдоо жок»,- деди муфтий.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

guard

2013-03-13 03:55:23

Динди мамлекетке кошо калып, аяктан да бирдеме өөнөйлү деген оюңар болуп жатабы, кошулуп жүргөндө эле качан жардам берчү элеңер мечиттерге, ансыз деле тымызын кийлигишип коюп жатат дейт ко мамлекеттин чиновниктери!

Aelina

2013-03-15 17:25:52

Мен спикердин айтканына кошулам, динди жабынып жаман иш кылган секталар кобойуп жатат.

Комментарий калтыруу үчүн өз ысымыңыз менен кириңиз же каттоодон өтүңүз.

№ 540, 8-14-март, 2013-ж