ЭЛГЕ НАСЫЯ АЛУУГА ЖЕҢИЛДИК БЕРГЕН МАМЛЕКЕТТИК БАНК ТҮЗҮЛӨТ

Кыргызстанда Мамлекеттик өнүктүрүү банкы негизделет. Бул тууралуу өкмөттүн жыйынында Экономика министри Темир Сариев билдирди.
«Мамлекеттик өнүктүрүү банкын түзүү коомчулуктун насыя алуусуна жеңилдиктерди түзөт. Пайыздык көрсөткүчтөр төмөндөйт», - деди Темир Сариев.
Өкмөт 2013-жылдын 30-апрелине чейин Мамлекеттик өнүктүрүү банкынын жобосун иштеп чыгып, 1-июлга чейин каржылоо булактарына сунуш киргизүүнү пландоодо. «Кайрымдуулук инвестициялык климатты түзүү үчүн 1-июлга чейин өкмөт мамлекеттик-жеке өнөктөштөрдүн баалык критерийлерин иштеп чыгышы керек»,- дейт ал. Экономика министрлигинен билдиргендей, аталган банктын баштапкы капиталы 2 миллиард сом болмокчу. Пайыздык көрсөткүчтөр азырынча тактала элек.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

nurbek_posol

2013-03-11 18:48:29

Бербей эле койсунчу.Ансыз деле уйсуз калдык биз.Андан коро аз тапсан да кудайга шугур кылып, даам татып, тынч уктаганга не жетсин. Кудайдан тилеп, озубуз аракет кылалы.

Комментарий калтыруу үчүн өз ысымыңыз менен кириңиз же каттоодон өтүңүз.

№ 540, 8-14-март, 2013-ж