КУРГАК УЧУКТАН 4 БАЛА КАЗА БОЛДУ...

2012-жылы өлкөдө биринчи жолу өспүрүмдөрдүн кургак учуктан көз жумуу фактысы катталып, бир жылдын ичинде бул оорудан 4 ӨСПҮРҮМ каза болгонун Саламаттыкты сактоо министрлиги билдирди.
Иса Өмүркулов Бишкектин вице-мэри ВяЧЕСЛАВ КРАСИЕНКО баш болгон үч жетекчини ээлеген кызматтарынан бошотту.
20-мартта бошотулмакчы болгон САНЖАРБЕК БАКИЕВГЕ мунапыс жоюлуп, абакта калтырылды.
Улуттук статистика комитетинин маалыматы боюнча, былтыркы жылы өлкөдө чакан жана орто ишкердүүлүк менен 384 МИҢ ЖАРАН алектенери белгилүү болду.
Ошто Мамлекеттик каттоо кызматынын жооптуу кызматкерлери ЭЛ АРАЛЫК ИЗДӨӨДӨ ЖҮРГӨН ЖАРАНГА 2011-жылы паспорт даярдап беришкендигин ИИМдин басма сөз кызматы билдирет.
Билим берүү жана илим министрлигинин маалыматына ылайык, быйыл мектеп окуучулары арасындагы республикалык ОЛИМПИАДА 23-мартта Бишкектеги Ч.Айтматов атындагы кыргыз-түрк лицейинде башталат.
Өлкөдө Чыңгыз Айтматовдун «Жамийла» повести азиздер үчүн атайын БРАЙЛЬ шрифтинде даярдалууда.
«2013-жылдын башынан бери Бишкекте мыйзамсыз курулган 18 ИМАРАТ бузулду»,- деп Бишкек мэриясына караштуу Жеке үй куруу департаментинен билдиришти.
20-мартта Ак үйдүн чатырында 7-АПРЕЛЬ ОКУЯСЫНА байланыштуу соттун көчмө жыйыны өтүп, анда чатырдан жердеги адамдарга ок атуу мүмкүндүгү текшерилди.
Былтыр жалпы республикалык тестирлөөнүн жыйынтыгында 4593 АБИТУРИЕНТ ЖОЖдорго бюджеттик негизде окууга өткөн.
Бишкек шаарындагы 5 жашка чейинки балдардын саны учурда 261 МИҢ 662. Бул тууралуу мэриянын басма сөз кызматы билдирет.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

best-life

2013-03-27 21:47:48

Эээ КМШдагы мамлекеттердин арасындагы туберкулез боюнча лидирующий мамлекет да биздин олко анан да угушума караганда ошол ооруга каршы бекер дарыларды жанагы ыйманын жеген врачтар сатып жан талашышат. А ошол бекер берилчу дарыны саткан врачтан сатып ала турган бар сатып алалбай колунда жок жакырлар бар дегендей айтор башаламан мамлекет.

Комментарий калтыруу үчүн өз ысымыңыз менен кириңиз же каттоодон өтүңүз.

№ 542, 22-28-март, 2013-ж