ТЫРМАККА СҮРӨТ ТАРТУУНУН ЫКМАЛАРЫ
Ар бир айым колдорунун жана манжаларынын сулуу, көрктүү болушун каалайт. Ал үчүн маникюр кызматын көрсөтүүчү салондор да бар. Ал эми үй шартында колго кам көрүп, тырмак боёону үйрөнгүңүз келсе, төмөндү карай көз жүгүртүңүз.
ТАРЫХЫ
Тырмакка сүрөт тартуу искусствосунун (Nail Art) келип чыгышына индиялык айымдардын колдоруна тарткан сүрөттөрү негиз болгон. Ал эми тырмакты узун кылып өстүрүп, ага гүлдүн сүрөтүн тарткан алгачкылар – япониялык гейшалар. Тырмактын узун болушу көрк тартуулаарын кытай кыздары да манжаларына узун, учтуу темирлерди кийип бийлөө менен тастыктап келишкен. Тырмак боёктун (лактын) келип чыгышы тырмакка ар түрдүү сүрөттөрдү тартууга мүмкүнчүлүк берди.
ТЫРМАКТАРДЫ ДАЯРДОО
1. Алгач колду жылуу сууга малып, 5-10 мүнөт кармоо керек. Бул тырмактын тегерегиндеги терини жумшартуу үчүн жасалат.
2. Эми жаргак терилерди атайын кескич менен этият кесип салыңыз.
3. Өгөөнүн жардамы менен тырмактар формага келтирилет. Сиздин тырмактар боёп, сүрөт тартууга толугу менен даяр болду.
СУУ МЕНЕН
1 Cуу куюлган идишке 2-3 түстөгү лакты биринин үстүнө экинчисин тамызып, тиш чукугуч менен сызыкча жүргүзүңүз.
2 Эми тырмактарды суудагы сүрөттүн үстүнө тийгизип, кайра этияттык менен суудан чыгарыңыз.
3 Тырмактын тегерегиндеги ашыкча лакты кетирүү үчүн кебезди ацетонго малып, тазалап, үстүнөн бекемдөөчү (түзсүз) лак сүйкөңүз.
ГЕЗИТ МЕНЕН
1 Алгач тырмакты негиз боло турган лак менен боёо керек.
2 Анан идишке куюлган спиртке боёлгон манжаны 5 секунд малып кармап, чыгарар замат гезиттин барагын тырмактын үстүнө жабыштырып, 10 секунд кармаңыз.
3 Баракты этияттап сыйрып, үстүнөн бекемдөөчү лак менен боёп коюңуз. Ашыкча боёктор ацетонго малынган кебез менен тазаланат.
ГУБКА МЕНЕН
1 Нымдалган губканы ак түстөгү лакка малып алыңыз.
2 Аны боёлгон тырмактын учуна абайлап басуу керек.
3 Акырында бекемдөөчү лак менен боёлот.
ИЙНЕ МЕНЕН
Төмөндөгү схемаларды пайдаланып, тырмагыңызга ийне менен эки түрдүү сүрөт тартсаңыз болот.
Салтанат Мукасова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (21)
Рахмат.жакшы маалымат.Ийне менен жасалганын эле билчумун.
Мен да жакшы кором маникюрду! Жакты рахмат!
rakhmat maga kerek bolup jaty ele
магада жакты бирок,намаз окугандар тырмак бое,денеге сурот тартуу дегенден алыс болуш керекенго,ошого мумкунчулугум чект елууудааа
Kg.lady, мумкунчулук чектелуу деп кайгырбаныз! Боелбогон, кыска таза тырмака эч бири жетбейт шариат боюнча да медицина боюнчада!!!
birinchi surottogugo koshumchalai geteyin , barmagindin tegeregin skoch je lenta menen baylaysin tirmaka onoy tushurush uchun.ani asseton menen tazalap oturbay .
ушу гейшахандардын таппаганы жок экен да ,илибой жакшы нерсени ушулар ойлоп тапканго экспериментчилер
мага губка колдонгон ыкма аябай жакты сонун корунуп калат экен
Жакты магада губка колдонгону айрыкча. Рахмат супер инфо.
Ото узун тырмак эч качан жакшы корунбойт
мен гезит менен, суу менен, ийне менен да жасап кордум. Гезитти аппакай лакка жасаса жакшы болот экен. Азыр да ошонтип боеп журом тырмактарымды. Эмкиде губканы колдонуп корбосом...
saya4ka, Мен губка менен кылдым сонун болот экен
Жакшы кенеш экен,рахмат. Жаз келип тырмакка кам корууго убакыт келди!
аи соонун экен, озгочо колду идишке малып боегон
Эн соонун маалымат экен рахмат супер инфо.
