Режеп Тайип Эрдоган:«ТҮРКИЯ «МАНАСТАГЫ» АКШНЫН ТРАНЗИТТИК БАЗАСЫНЫН ТАГДЫРЫНА КИЙЛИГИШПЕЙТ»

Көпчүлүк кыргызстандыктарда жагымсыз маанайды жараткан «кетсин» митингдери убактылуу тынчып, жеңилдене дем алган Кыргызстан бул аптада эки ири өлкөнүн өкүлдөрүн кабыл алып, сүйлөшүүлөрдү жүргүздү. Алгач Орусиянын бажы кызматынын башчысы Андрей Бельянинов жетектеген делегация келди. Алар өлкө башчысы Алмазбек Атамбаев менен өткөн жылдын сентябрында Владимир Путиндин Кыргызстанга жасаган иш сапарындагы макулдашууларды ишке ашыруу боюнча маселелерди талкуулашты. Албетте, Кыргызстандын Бажы биримдигине кириши боюнча иштер да талкууланды.
Мындан бир күндөн кийин эле Кыргызстанга Түркиянын өкмөт башчысы Режеп Тайип Эрдоган жоон топ түрк ишкерлери менен келди. Конокту өлкө башчысы Алмазбек Атамбаев, өкмөт башчысы Жантөрө Сатыбалдиев, Жогорку Кеңештин спикери Асылбек Жээнбеков кабыл алып, эки тараптуу иштешүүнү жакшыртуу, түркиялык инвестицияны өстүрүү жөнүндө сөз жүрдү. Бул иш сапардын алкагында кыргыз-түрк бизнес-форуму өтүп, Түркия тарап Кыргызстанда ГЭС курулушун инвестициялоо боюнча ниетин билдирди. «Эгерде инвесторлор үчүн бардык шарттар түзүлгөн болсо, мени менен келген 104 ишкер инвестиция салууга даяр. Кыргызстанда байлык көп. «Суу агып жатат, кыргыз карап турат» деген кеп бар, ошону «суу агып жатат, кыргыз иштеп жатат» деп өзгөртүүгө жетишүү керек»,- деди Эрдоган мырза. Журналисттерге «Манастагы» АКШнын транзиттик базасынын тагдырына Түркия кийлигишпейт. Бул суроо Түркиянын маселеси эмес» деп билдирди.
Ошентсе да көпчүлүк эксперттер Режеп Тайип Эрдогандын Кыргызстанга келишин АКШнын «Манас» аба майданындагы транзиттик базасынын тагдырына байланыштырышууда. Жалпыга белгилүү болгондой, Түркия – АКШнын өнөктөшү. Кыргызстанга орусиялык делегация келгенден кийинки эле күнү Түркиянын премьер-министринин Бишкекке келиши жогорудагы пикирлерди күчөттү. Өлкө башчысы Алмазбек Атамбаев 2014-жылы келишим мөөнөтү аяктаган соң АКШнын аскердик базасы Кыргызстандан чыгарыларын билдирген. Азырынча ал сөзүнөн кайтуу ниетин айта элек. Албетте, АКШ бул чөлкөмдө таасирин сактап туруу максатында транзиттик база боюнча келишим мөөнөтүн узартууну каалайт. Ал эми Орусия Орто Азия аймагында АКШнын таасирин азайтууну, демек, «Манас» аба майданынан аталган базанын чыгарылышын көздөйт. Ошентип, Кыргызстан дале эки ири державанын кызыкчылыктары кагылышкан чекитте.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

nurik102

2013-04-15 17:14:06

Бир соргок, эки тойдон кур галат дейт! Орусия бизге таасирин кучоткусу келип турат, Акш дагы калышпай озддорунун адамдарын жонотуудо. Биз баардык олко менен тыгыз байланышта болушубуз керек!

Aidai2010

2013-04-16 11:29:55

nurik102, Эрдоган эч качан АКШ менен жакын мамиледе болгон эмес, керек болсо интернет барактарын карап коргуло, бул адам АКШга ар дайым каршы суйлоп келет.

nurik102

2013-04-16 20:24:00

Aidai2010, билем, бирок нотонун составына кирет, муну унутпаш керек

Xamer

2013-04-17 16:27:04

nurik102, нотонун эмес НАТОнун деп жазгылачы, билимдуу бололу туугандар.

nurik102

2013-04-18 16:12:20

Xamer, билем! сотка менен жазгандыктан ката кетирипмин, кечиресинер!

altinim

2013-04-18 11:05:22

nurik102, тушуксуз озунузго озунуз карама каршы соз жазгансызго
Бир соргок, эки тойдон кур галат дейт!
Биз баардык олко менен тыгыз байланышта болушубуз керек! таз тарангыча той тарайт дейт киисине не дешти билбей ортодо нары бери чуркап калбайбызбы акырында

nurik102

2013-04-18 16:10:09

altinim, мен ошону айткым келип турат, биздин олкону качанга чейин акчалуу адамдар башкарат?Орусия 70-жыл башкарды, каршы чыккандарды атып жок кылышты! Эми оз алдыбызча болгондон бери деле озгоруу жок. Качан олкону оз ой жугуртуусу менен башкара турган адам гелет?

best-life

2013-04-16 10:29:51

Эки чооон мамлекеттин айтканын кылам деп Кыргызстан баягы "Эки доо кагылышса, ортосунда бейажал чымын олот" болбосо эле болду... Гансини чыгаргысы келбей ач кенедей жабышкан АКШ, чыгарбасанар бирди коросунор деп кокологон Россия... Эмне болуп кетээр экенбиз эми...

Lion-x

2013-04-16 11:54:37

Турк мамлекетинин Окмот башчысы ачык эле айтты Кыргызстанга бир ортомчу болгону учун келген жокпуз, биз эки тараптуу суйлошуулорду жургузуу учун келдик деп. Бул туура, алар менен кошо бизнесмендер келди 20 чакты, бул кубандырат.

KR-777

2013-04-16 12:35:27

Туркия товар алмашууну 5 млрдка которуу менен гана алек болушсун. Биздин ички маселелерибизге киришпейле коюшсун. Биз озубуз билебиз кимди чыгарып, кимди койгонду...

roy

2013-04-16 22:37:49

Ушу чондорду коргондо итиркейим келетда Аягы кандай бутоор экен бищдикилердин талтайып калбаса болду эми АКШ турктор аркылуу озунун басымын жогорулатып жатат Моков болсо

Xamer

2013-04-17 16:35:14

roy, туркторго АКШ басым кыла албайт, ортомчу да кыла албайт аларды...

Nara_zi

2013-04-17 04:07:55

Kandai keliwim jurguzuwso da, uzun oilonup, 7 ol4op bir kesip, elibizdin jeribizdin kamyn oilowso ele boldu.. Bajy soyuzuna kelsek, emne biz uwul soyuzga otuugo mildettuubuzbu? Eger oto turgan bolsok, biz anda Moskvada ele jawap kala bereli...

Nara_zi

2013-04-17 04:11:22

Bul soyuzdun plyus jagyn taptym, eger kowulsak anda bizge evropanyn eski mawinalary kelbei kalat da ee, bir gana Rossi9nyn mawinalaryn minip kalat ekenbiz da..))

Комментарий калтыруу үчүн өз ысымыңыз менен кириңиз же каттоодон өтүңүз.

№ 545, 12-18-апрель, 2013-ж