КҮЧ ТҮЗҮМДӨРҮНҮН ТИРЕШҮҮСҮ КҮЧӨДҮ

12-апрель күнү кечинде УКМКнын Коррупцияга каршы күрөшүү кызматы Свердлов РИИБинин эки кызматкерин маңзат менен кармалгандардан кылмыш ишин ачпоо үчүн 20 миң сом пара алып жатканда колго түшүргөн. Бул маалыматты УКМК таратты.
Кармоо учурунда эки милиционер катуу каршылык көрсөтүп, бирге иштешкен кесиптештерин жардамга чакырышкан. Жабыла келген милиционерлер чекисттер менен мушташып, кесиптештерин куткарууга аракет жасашканда УКМКчылар тапанчаларын сууруп чыгып, асманга эскертип ок атуу менен тополоңду токтотушкан. Ошондон кийин гана чекисттер колго түшкөн эки милиционерди УКМКнын абагына алып кетишкен.
Андан бир саат өтпөй УКМКнын беш кызматкери Свердлов РИИБинин имаратына келип, колго түшкөн эки кызматкердин кабинеттерин тинтүү үчүн киришет. Тинтүү жүрүп жатканда жарык «капыстан» өчүп калып, УКМКнын беш кызматкери катуу сабалып калат. Учурда алардын экөө ооруканада.
УКМКчылар менен милиция кызматкерлеринин мушташы боюнча өкмөт башчы Жантөрө Сатыбалдиев 13-апрель күнү ыкчам жумушчу жыйын өткөрүп, «жаңжалдын күнөөкөрлөрү жаза алышсын» деп катуу талап коюп, Свердлов РИИБинин жетекчисин жумуштан убактылуу четтеткен. Өкмөт башчынын эскертүүсү тиешелүү деңгээлде таасир этпеди көрүнөт, ошол эле күнү Сокулук РИИБинин отуздай кызматкери Мыйзамсыз баңгисооданы көзөмөлдөө мамлекеттик кызматынын өкүлдөрү менен мушташып, алардын колунан «баңгизат сатты» деп шектелип кармалган кесиптешин сууруп кетишти. Далил затты ошол замат жок кылып салышкан. Премьер-министр кайрадан 15-апрелде жыйын өткөрүп, эскертүү берүүгө аргасыз болду. Жыйындын жыйынтыгында атайын комиссия түзүлүп, ага Башкы прокуратура башчылык кылмай болду.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

tariel80

2013-04-22 11:56:07

Эмне демекчибиз Суктанабыз

angeluma

2013-04-22 14:40:12

Менде дагы соз жок.Закон Батукаевге иштебен ИИМге иштейби

nazira1989

2013-04-23 13:32:38

Окмот башчыны ошондо эч ким тоготбой койдубу?!Кулкулуу...

Mirko.93

2013-04-23 15:24:48

ХД :-)))))))))))))))

asdf

2013-04-23 16:55:46

Соз жок куч органдарыбыз оздору ушундай иш кылып атса черныйлар каалаганын кылат да Балык башынан сасыйт

PROS

2013-04-23 20:40:13

коррупцияга каршы эмес, бири-бирине каршы курошкуло эми)))))))))))))

Anake_85

2013-04-23 21:57:47

коррупция ИИМде абдан орчушуп кеткен буларды тазалаш керек,жаны кызматкерлерди алып келсе жакшы болмок

best-life

2013-04-25 12:39:54

Токмогу катуу болсо кийиз казык жерге киреееет, бул кыкендердин создору да тегин эмеееес. Шоолдурошууууп жогорку кызматтагылар кресло тийгенине ыраазы болушуп олтурушат, баягы корбосом бору жесинден кылышып. Кынк дедирбей башкарганга алдары деле келбей калышты го.Эптеп элдерди алдашып ар бир создун башын КТРден чаргытып коюп олтурушат даааааа...Мобуга окшогон ээнбаштыкты тыйышпай эмне кылып журушот, тан калычтууу да тан калычтуу, эх май беттер, май беттер...

stan.kg

2013-04-25 15:30:27

Бул окуя бир чети кулкулуу болсо, бир чети тан каларлык. УКМКны тушунсо болот алар оз милдеттерин аткарышты. Ал эми ИИМдин кызматкерлерине тан каласын, башка адамдарды жазага тартканды билгенден кийин оздору да жооп бергенди билиши керек эле да. Кыскасы бул 2 органдын (бири президентке экинчиси премьерге баш ийген органдар) бири-бири менен тирешип турганынын да жактары бар. Анткени булар аз да болсо бири-биринен шекшип туура эмес иш кылгандан коркуп калышат чыгар деген ойдомун.

Taalaibek.

2013-04-25 20:33:18

Бул албетте окмоттун шалдыгы.

Kg.lady

2013-04-26 16:58:22

Милицяда иштеген таанышыма,Силер аябай корупсиялашып кеттинер ээ!,десем.Жакшыда пара алып турсан чонтоктон акча узулбойт:)!дейт,оозу-мурду кыйшайбай.Эмне демекпиз чонтогунорду кампайтып,мыйзамды тебелеп-тепсеп журо бергиле!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 546, 19-25-апрель, 2013-ж