ПЕНСИОНЕРДИ ТОНОП, КЫЗЫН ЗОРДУКТАП КЕТИШКЕН

Бишкек шаарында 3 кылмышкер тоноо үчүн пенсионердин үйүнө кирип, үй кожойкесинин кызын зордуктап салышкан. Бул тууралуу Бишкек ШИИББинин маалымат кызматы билдирди.
Бир нече күн мурун 25-30 жаштардагы 3 кылмышкер 65 жаштагы аялдын үйүнө киришип, аны бычак такап коркутуп, акча талап кылышкан. Андан соң апасынын көзүнчө анын 38 жаштагы кызын зордукташып, 6 миң сом, DVD-плеер, плазмалык сыналгы, компьютер, алтын сөйкөлөр жана 2 уюлдук телефонду олжологон кылмышкерлер белгисиз тарапка из суутуп кетишкен.
Көп өтпөй милиция кызматкерлери тарабынан 25, 26 жана 28 жаштардагы Талас облусунун тургундары колго түшүрүлгөн. Алардын экөөсү мурун уурулук кылганы үчүн соттолгону белгилүү болгон. Тергөө учурунда аныкталгандай, бул алардын биринчи кылмышы эмес. Кылмышка шектелип кармалгандарды башка жабырлануучу да тааныган. Бул үчөө үстүбүздөгү жылдын 10-апрелинде Бишкек шаарынын 43 жаштагы тургунунун үйүнө кирип, бычак менен коркутуп 33 миң сомун жана алтын буюмдарын тоноп кетишкен. Учурда тергөө иштери жүрүп жатат.

Нурбек Абдыкадыров
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Pearl.06

2013-04-29 14:30:24

Урматтуу суперчилер сиздерден бир өтүнүч КТРКнын "Коломто рух ордо" эмнеге чыкпай калды Бейшенбек Бекешов кайрадан жандардырса жакшы болмок.Ушул сыяктуу көрүнүштөргө таасири чоң болучу.Көпчүлүктүн суранычы жообун алып берсеңиздер.

admin_media

2013-04-29 14:36:45

Pearl.06,
Саламатсызбы! Сунушуңузга рахмат! Тиешелүү бөлүмгө кабарлап коебуз)))

aidi949303

2013-04-29 22:54:39

Акчасын алыптыр балуу буюмдарын алыптыр не кылат кызыны зордукташып

konfetka_love

2013-05-03 14:13:07

Kyrgyzdar emne ele bolup baratabyz???! Bularda emne kunoo? andan koro adal emgek menen ishtep nan taap jeshse oshol ash bolotgo.. kunoogo batyp emne keregi bar?!

Комментарий калтыруу үчүн өз ысымыңыз менен кириңиз же каттоодон өтүңүз.

№ 547, 26-апрель-2-май, 2013-ж